[تولين]

موضوع جدا أعجبني وانا حابه اتكلم عنه براحتي واتمنى ما تنحذف ولا كلمه من اللي أقولها :sm266:


انا بتكلم عن شباب العيون لأنه مجتمعنا والبيئه اللي عشنا فيها لذلك لانعمم على الشباب السعودي

انا معك بكل كلمه انت قلتها شباب العيون وليس الكل شباب فاااشل ولايقبل بتفوق المرأه عليه

شباب العيون شباب إتكالي لاطموح له ولا هدف وكل همه البنات والغزل بالبنات وياليت اذا تعرف على بنت يستر عليها بالعكس تصبح مثل اللعبه اللي يلعب فيها هو وأصدقائه

الشباب يحلل له كل شئ مع بنات الغير من مكالمه هاتفيه الى الخروج معها ويحرم على اخواته بإعتبارهم شريفات يعني معقوله اخواتك شريفات وبنت الناس هذي جايه من الشارع صراحه شئ يقهر تفكيرهم منحط وجاهلي وما فيه من الثقافه شئ

شباب العيون المتزوجين شباب أنانيييين ولا يعترفون بأي حقووق للمرأه بدليل أنه طووول اليوم في الدوام الى الساعه 1 وبعدها ينام وبعدها يصحى العصر ويروح الاستراحه ويرجع وقت العشا بحجة انه بيتعشى مع المدام ويقابل وجهها بعدها يرجع للإستراحه الى الساعه 2 الفجر هذا اذا تكرم وطلع منها ,بالله عليكم انتوا متزوجين ليــــــه عطوني سبب واحد ومقنع

يعني البنت تاركه بيت اهلها ومكانها وأهلها ومقابله خشتك وانت مو معبرها وتاركها لحالها بالله عليك ترضاها على اختك , صراحه انا مقهووووووره منكم ياشباااب العيون وفيه شئ ثاني بعد ابي اتكلم عنه معاملتكم ياشباب مع اخواتكم وااااااو ولا فيه اروع منها يعني لو تقول لك جيب لي وود لي تقولها انا مشغول ولو واحد من اصدقائك اتصل عليك هلاااا يالغالي انت آمر مو بس تطلب ثواني وانا جاي لعندك , بكل صراحه انا اخجل اني اتكلم عنكم ياشباب لأنكم أساس المجتمع واذا المجتمع مافيه أساس على الدنيا السلااااام



ومن ناحية العلاقات الغير شرعيه حدث ولا حرج لاتقولووون ماعندنا هالكلام وتدعون المثاليه عذرا إحنا في مجتمع صغير وكل شئ واضح فيها والمشكله ان مجتمعنا يدعي المثاليه وهو أسوأ مما يكون عليه في الحقيقه فلماذا لاننظر إلى أخطائنا ونتداركها فربما ربما ربما يوما نغيرها , أحس فيه كلام كثير أبي اقوله طبعا انا لاأعمم على شباب العيون لكن وللأسف والله ثم والله إن شباب العيون شوهوا سمعة العيون بتصرفاتهم الصبيانيه والبايخه طبعا فيه البعض لقليل منهم اللي فيهم الخير واللي ينذكرون بكل خير والله يجزاهم الجنه والله يكثر من أمثالهم وياليت كل الشباب يتعلمون منهم

اكيــــد بتقولون هذي وش فيها متحامله علينا أنا والله ماني متحامله ولا شئ كل الموضوع اني ابي أوريكم أو حابه أنتزع الأقنعه وأكشف الوجوه الحقيقيه اللتي يرتديها هؤلاء الشباب

وصح فيه شئ حابه اتكلم عنه وصراحه بجد قهرني يتعلق بالمكتبه العامه>>داخله عرض , بعد إيش إسمحوا لنا بزيارتها والله ولا صارت الحرم المكي استغفر الله خخخخ صراحه عقول وللأسف متخلفه "عذرا على كلمتي بس من القهر "

أتمنى اني أشوف ردووود تثلج الصدر لأن الموضوع للنقاش ومو حلوووه نترك موضوع مثل هذا بدون رد

وحتى لو إختلفنا بالآراء مافيه مشكله لإن إختلاف الرأي لايفسد للود قضيه وحلو الخلاف دام انه راح يحل مشكله

أشكرك اختي على الموضوع المتميز وربي انك مبدعه ولو بكيفي كان عطيتك التميز تستاهليه يالغلا

تحياتي لكم يا اخواني الأعزاء //توليـــــــن