[عَذْبَھْہّ]

عظيمٍ كِل مِنْ قدْ قالْ بيتٍ في الشعر حَسَّـاس
عظيمٍ كِل مِن رَوَّى جِفـافْ أرواحنـا بشِعْـره

ألا ليتِ البشرْ كِلْها تِعَرْفْ إن الشعر إحسـاس
كَذبْ مِن قال ان الشعر قُولٍ في الوَرق حِبره

ترى يا ناسْ قولْ الشعر يشفي لُوعَةَ الأنفـاس
يزيل الهم .. لُو الهم .. مُوقِدْ في الحَشا جَمره

أحبك يالشعر ما هَمِّني فْ حبكْ مَـلامْ النـاس
ترى هالناسْ في ليلي نجومٍ و الشعر .. بَـدره

عشقتْ الشعر بجنون و مشاعرْ ما لها مقياس
عشقت احروفه و رَسْمٍ لأطـلالٍ بَهـا عِطـره

مِجانين الشعرْ مثلي عَجز يَطوي فَرَحْهُمْ يَـاس
يسَلِّيهُم نظْم هالشعر و يسْعِـدْ قلبهُـم ذِكْـره

أحبك يا شعر روحي و حبك تاجْ فوق الـرَّاس
أحبك .. و أفتخر إني فبحرك يالغلا .. قَطْـره