[ابتسم]

بسم الله الرحمن الرحيم

عرفنا عن نفسك

اللقب/ دمعهـ عمر - أمير بكلمتي ..


عمر احساسك/ من علم الحزن يعبث في ملامحنا من علم الموج يرحل عن موانينا

لو صار من خطا ياوقت سامحنا حرام هاللي تسويه يازمن فينا

هوايتك/ كوره القدم,,ركوب الخيل,, السباحه


1- اكتب لنا تعريف للإحساس؟

الاحساس شيئ لا يمكن العيش بدونه شيئ ساكن بقولبنا الى الأبد

ولولاه لا كان فيه حب ولا كره ولا مشاعر

2- أبيات ترحيب من اختيارك أو كتاباتك .. ؟

يامرحبا ترحيبة ٍ كلها ورود ..
ترحيبة ٍ من قلب غالي لغالي

على حبيب ٍ حبه بقلبي يزود ..
زود ٍ على حبـه سهرت الليالي

أبيات حب ؟

أسير حبك ولكن في الغرام أجهلك.
ياغالي في عيوني بالغلا مشتريك.
ودي أجاوبك لكن قبلها بأسألك.
بتموت فيني مثل ماني تولعت فيك.؟!
أشتاق لك بالدقيقه كيف كيف ماأشتاق لك!كم ليله في لذيذ النوم حلمت فيك.
وأفز من غرفتي في النوم وأتخيلك.
مرات أفكرك قدامي وأسلم عليك..!
ومرات أطالع الحسن فيك وأتأملك.
وأخاف من عين حسادك
وأسمي عليك..!
قريب مني ولكن كيف أنا بأوصلك.
ياجعل الايام تسمح لي بشوفك وأجيك.
ياليتني جاركم أوليتني
من هلك.
من شأن نظرات عيني بالغلا تحتويك.
بالحيل<أحبك> حبيب
الروح وأرتاح لك.
شريك روحي ولالك
في روحي شريك.
تستاهل الغلا والقلب
يستاهلك.
تفداك حال وكل إللي
معي يفتديك.
أقولها لك بكل الصدق ماأجاملك.
(ياغالي في عيوني بالغلا مشتريك)


أبيات عتاب ؟

صدقني مابقت للحب قيمه ؟
الهجر شل الوفا وأصبح مكــــــــــانه...؟؟؟
الحب كنه طفله يتيمه ؟
مــات أبوها وأحرموها من حنانه..
صدقني قصتي قصه اليمه
البري مظلوم والقاضي أدانه..
الاحاسيس أختفت وأمست عديمه
في الحب كــــــل شيء وله زمـــــــانه....


أبيات شوق ؟

اشتقتلك قبل لجيك وجيت واشتقتلك
البارحه طول ليلي بين هاذي وذيك

مليت حبر انتظارك واستحيت اسألك
واحسبتني مابعد جيتك وفكرت اجيك

اثرك بقلبي من البارح وانا استعجلك
واثري نسيتك من الفرحه وقمت احتريك

أبيات وداع؟

ياكثر ماتكشف الأنفاس عن ضعفي
.............................ياكثر ماتجرح إحساسي ولا آلومـك


مليت قل العطى وإحساسك المخفـي
..............................مليت تقسى علي وأسأل عن علومك


ياسهل ماتقتـرب ياسهـل ماتقفـي
..............................كنك ملكت الفـراق ولـذة قدومـك !

3-بعد الخيانة إنتهت رغبتي فيك .. و إن كنت تذكرنا ترانا نسيناك
(( وش احساسك لما يوصلك هذا البيت على جوالك وش راح ترد ))


والله وفيك الخير ياجرح الايام
والله لـ موت وموقفك مانسيته !!

..

خاويتني والعمر خمسة عشر عام
وش عاد باقي بـ الوفاء ماعطيته

..

ياكبر معروفك وياكبر الاحلام
وفيّت معروفك وانا ماوفيته

..

مازخرف صدرو الورق غير الاقلام
ولاشّين لسان الرجاء غير ليته !!

..

ليتك وهم وعاملك مثل الأوهام
وليتك زعل وأموت أنا مامحيته

..

أنت العطا يوم العطا عوّد أرقام
في وقت .. لاوقته ولا البيت بيته

..

والله ماني لـ إنتهى الوقت لوّام
ولكن ضحكني حزني اللي بكيته !!

..

معاهدك بالله ضمن رزق الأيتام
لـ اعطيك كل اللي بـ عمرك رجيته

..

حتى خفوق ٍ راحت ضلوعه أقسام
أخذه ... إن كان في محله لقيته !!


4- لك وحشه ماهي لغيرك من الناس .. انت اللي .. بس .. اقدر اسميك غالي...!!
نبي تحط لنا رد على هذا البيت .. في بيت من اختيارك

غلاك فوق قلبي بمقياس


مقاس(ن)فوق حده


غلاك نظرة للسماا


تفوق نظرات


غلاك دمعة(ن)


فوق صدري تهلهااا



5 - شاعرك المفضل ؟ وأبيات من أشعاره وقريبه الى قلبك واحساسك؟

شاعر ماعندي بس بعاطيكم ابيات من فناني المفضل عبدالله السالم

ياناس انا نوم العرب ماهنالي*** عزي لمن مثلي من الحب مجروح

اسباب منهو بالهوى سم حالي *** وانا اشهد ان الحب مافيه مصلوح

الله من ليل سهر تالي حالي *** ابكي طوال الليل والدمع مسفوح

الي سلب عقلي وهو مايبالي *** كامل بكل الزين غصب(ن) ومملوح
هنيت قلب(ن) من عنا الحب خالى *** مافيه ذره بين كاسح ومكسوح

يالله تجمع كل غالي بغالي *** تساعد الي من عنا الحب مطروح

6-نبي احساسك باللحظه هذه توصفه لنا بأبيات ؟

قالوا مريض وقلت فيني ولا فيه

ياعزة الله كيف ذاك المرض جاه


كيف الألم يدمي فواده ويدميه
ليت الألم ياناس شخص اترجاه


برجيه رجوة بخير حاله يخليـه
وان كان وده علتي قلت محلاه


لاجله بشيل العوق عنّه واراعيه
واصير من بد الخلايق أنـا دواه


لانه عضيد الروح والقلب يغليه
ما ودي انه لحظةِ يشكـي الآه


لو كان بيدي في عيوني أداريـه
وتشيله اجفوني وتغمض وتنساه


ياذا المرض عجل دخيلك تعديه
خل التعب لا يهد حيله ويصلاه


ماجور يامن بالنواظر نساويـه
يالله عسى من الشر يسلم محياه



7-الطيب أساسك و الفخر للي يماشيك ، و الذوق شخصك ، و يا سعد من هو يخاويك
(احساسك لما يوصلك هالبيت )

الرضاء التام عن نفسي


8-انت انسان حساس؟ اوصف لنا مدى حساسيتك؟

حساس بشكل مو طبيعي

9-صوره تعبر عن احساسك ؟



-وش اكثر احساس تحسه بأيامك ؟ مع أبيات معبره لهذ الاحساس ؟

أقسى من الهم والحرمان والذكرى
احساسي انك لغيري وانت في يديني


11- وبعد نهاية الاسئله وش احساسك ألحين ؟

احساسي اني ماصدقت اني خلصت تعبت

ومن ارشــــح ... ؟ ؟ ؟

حبيب قلبي


<<ابوطـلال >>