[شلال الظلام]

الجــزاء الثامــن عشـر
الفصــل الثانــي


كانت سالي تحط أخــر لمســاتها علــى الميك آب يــوم حســت بدوخــه قويــه
بس تمـاسكـت وماحسست وهــج على اللي صابهــا ...
وهج وهي تلبس عبـاتها :يالله سالي خلصتــي ...
سالي :ايه خلصت وش رايك ...
وهــج : تجننيــن مو واضــح عليك أي اثــر للأرهـاق ولاتعــب ..
سالي :أكيــد ولا مأكــون سالي ...
تحاملــت سالي على نفسهــا قد ماتقــدر بس ماوصلت الى باب الشارع الا وانهـارت كل دفاعتهــا وبصرخـة ألم مكبوتـــه ارتطمت بأرض الشارع الصلبـــه ...
كانت بدوامــه قويــه تعصف فيهـــا وظــلام يلتهمهــا وأصوات جايــه من بعيـــد حاولت تسمــع تفهـم تركــز بس الألــم أقوى منهــا صحت بعــد مــده ماتدري كــم كانت على سريرهـا والظــلام الدامــس يغطــي الغـرفه ...
حست بريقهـا ناشف حاولت تكلــم تنادي وبعــد صراع طــويل همـست بالضعف :وهججج ...
بس قالت هل كلمـــه أنفتح نور الغــرفه ...
وهج بحـب:سالي ياعمــري صحيتــي .. وجت تجلس عنــدها على السرير ...
جنــى صبت لهـا ماء وجابتــه لها ...
سالي بعد ماشربت المـاء:وش جالسين تســون بالظلام ..؟!!
وهج وهي تقرص خدها :نحتريك تصحيــن يالدلوعـه حتى مأفطــرنا ولاطب فمنـا غير المـاء ..
سالي :وأحد قالك تجـوعين نفسك عشــاني ..
هديل :شفتــو قايلــه لكم نفطـر أحسن من مقابل وجها وهي نايمــه ..
سالي :هي أنتي هنا .. وبعــدين من هذي اللي تكلميـن عنهـا ..
هديل:لاهنــاك ... هـذي خالتوو الغبيــه سالي ...
سالي :طيب طيب ياهــدول ..
جنــى :والله فاضيــن يالله أمشــوا نفطــر ولا بتصومـونا يوم كـامل ...
وهج :وانتي ماعنــدك الى الأكــل ...
جنــى :وش فيك انتي خليك فطينــه أحاول افض النزاع بطــرق سلميــه ...
سالي :أحلــى الصراحــه تصلحيــن رئيس لجامعة الدول العـربيه ...
جنــى :لاتكفين فكينـا لاتدخلينـا بالسياســه ...
هـديل :يعنــي مطـولين ابي فطــور ..
سالي :جتنا الأخت صايمــه ..
هديـل :مولازم أصـوم عشـان أجــوع ..
سالي بأستهبـال :طيب يمه لا تأكلينــي وترى لحمــي مرررر ..
علــى الفطــور أصدمتهـم وهج يوم قالت بفرحـه :خلاص ناصر ماراح يتزوج...
جنــى بأسئله متفرقه :ايش .. كيف .. وأنتي من قالك ...؟!!
وهج بفرحــه :هو قالي ...
سالي بأبتسـامة رضى:صدق وهج ... كـذا تعجبينــي بس هذا مو كـل شي لأن أمك ماراح تسكــت وأنتو كلكــوا لازم تاقفــون فوجــه الزواجـه هذي ...
جنــى :الصراحـه أنا صح ماطيق عمتــي شيوخ بس بعــد أبتهــال مالهـا ذنب ..
سالي بقهــر :وأنا اللحيــن قلت شي عــن البنت اصلاًهي على نيـاتها وأمها بتدخـل بكــل شئونها لو كانت قوية شخصيـه ماقلنا شــي بس ضعف شخصيتهــا بيوصـل أمهــا للبيتكــم هنـا وبتأخــذ منكــم ناصــر ... وكملــت بعــد ماشفت نظرات الخـوف والذعـر وخاصــه بعيــون هديل ووهـج :وأنتي ياجنــى المفروض تفهميـنها هالكــلام ولو بطـريقه غيــر مباشــره ...
جنــى :وش افهمهـا اصلاً وش اقــولها ...
سالي :مايبغالهـا ذكاء لمحي لها ان وجودها بهالبيت غيــر مرحب فيـــه وأن ناصــر كان بيخطــب بنت خاله وماخطبهـا الا تحـت اصرار أمــه ..
جنى بتردد :اصلاًهي تحـب واحد ثاني ..
سالي بأشمئزاز :ياعينــي ياعينــي ايه وايش كمــان ..
جنى :سالي ياويلك أن طلعتـي هالكــلام ..
سالي :ياويلي من ميــن ان شاءالله ...
جنـى بالترجـي :سالي بليز فرقي بيــن ابتهـال وأمهــا لاتظلميــن البنت الظلــم ظلمـات يوم القيامــه ..
سالي بملل :طيب خلاص فهمــت بس لاتستفزينــي ولاترى مأضمــن لك لسـاني ...
هــديل بفرحــه :نسيتــووووووووو حره أنا اللي بقـولها ..
جنــى بغباء: وش نسينــا ..
هـديل :مالك دخــل .. خالتوووووو شفتــي خااااااالي سعــودد وش يقـووول...
سالي بنفس طريقتهــا:ووووووش يـقوووووووول ..؟!!!
هــديل :خلاص ماراح تزوجيـــن ...
سالي بالصدمــه :وشوووووو ..
وهج :لاااا مو كــذا هـوقال بيكلــم ياســر عشان يجـلون العــرس ..
سالي بعصبيــه :ياســلاااام علــى كيفــه هووو ..العـرس بيتــم بوقتــه المحـدد ولاهمنــي لاسعــود ولاوياســروووه ...
وهج باستغــراب :توقعتك تنبسطــين ..
جنــى :حتــى أنا ..
هديــل :حتــى أنا ..
سالي :وأنا مانبسطت تبغــون تبسطـوني قولو طلقك مـو اجل العـرس ..
وهــج :اووووف منك وش طلقك بعــد فال الله ولافالك ...
سالي :ايه صح وش رايكـم تجـون معي كلـكم للقصيــم ..
هـديل :انا ماعنـدي مانــع ..
سالي :انا ماكنت اقصدك بكلمــة كلكــم ..
جنــى :والله فكـره مش بطاله زمان عـن القصيــم وبالمـره نشوف جهازك ...

سالي :وععععع لاتذكـريني ...
___________
وعنـد ياسـر وسـعود ..
سعــود :والله شكلك تضـايقت ...
ياســر :أكيــد بتضـايق أجـل تبغاني أرقــص وأغنــي ...
سعــود :شلـون يعنـي تبغى نســوي عـرس والعــروس كل شوي طايحــه علينــا ...
ياســر بقهـر :تصدق لو كنا فمكـان ثانــي كان عرفت أرد عليك ...
سعــود :ليش وش قلت أنا ...
ياســر :اللحيـن أنت وجهـك تحسب أني متضايق عشـان تأجيـل العرس ...
سعــود اللي فهم عليـه قال بخبث:أجــل ليش ...
ياســر:مـو لازم تعـــرف ...
سعــود :طيب طيب مو لازم أعــرف ... بس ماتلاحظ شــي على ناصــر ..؟!
ياســر :لاأنت ملاحظ شــي ...
سعــود :أيه ماتشــوف نايف بس لازق فيــه ..
ياســر بعـدم أهتمــام:وأنت وش حارك لاتكـون تغار على ولد أختك ...
سعــود اللي قهـره تطنيش ياســر:أصلاً أنا الغلطــان اللي بعطيك خبــر الساعـه..
ياســر :ماشاءالله وش هالخبــر ...
سعــود :السالفــه فيها زواج بس تطبــخ على نار هاديــه ..
ياســر :ماشاءالله مبـروك مابغيت تلحلح وتفرحنـا ...
سعــود :ياسخفك يالرجـال سوهـا أنت قبلي عشـان اتشجـع ...
ياســر :خلاص ولايهمــك بكــره أخذ الثانيــه ..
سعــود :سوهـا شف وش يصيــر والله لتذبحك سالي أنت وياهـا ...
ياســر :يعنــي أختك ماترحــم ولاتخلــي رحمـة ربي تنزل ...
سعــود :قـويه بــس واصلــه ..
ياســر بالدهشــه :سعــود عن حركـات الاطفـال وش واصله بعــد هذي ...
سعــود :حركات أطفـال بعـد أجل يبيلهـا بهـارات ...
ياســر بقهــر :سعـووووود ...
سعــود بضحكـه قويـه لفتت الانظـار عليــه :خلاااص امزح يأخــي ...
وأنتبــه على الانظـار المصـوبه عليــه وأبتســامه رجعتــه طفــل رجع كـلاً للي كـان يسويــه ...
ياسـر بحقد :زين كذا فرجت الناس علينـا ..
سعــود :وأنت شكــو أنا اللي فرجـت الناس علــي ....
ياســر :الله يسامحك الناس وش تقــول عنـي كل هالرزه والهيبــه وأمشــي مع مطفوق ...
سعــود اللي غيـر الموضـوع :الا ويـن بتودينـا الليلــه ..
ياســر :مأدري اذا تبـي تجي معي للمـزرعـه ..
سعــود :أنا وأنت بـس مأنت عازم أحــد ..
ياســر :لا وشلنــا بالشقى أنا عنـدي كم شغلـه هناك تجـي معي نتمشـى نغير جـو ونبيت هناك ...
سعــود :أيه بس لازم ارجــع من بدري أنا وسالي بنطلــع للقصيـم ...
ياســر بضيق :مو تقــول تعبـانه وش هولـه السفر وشحططــه ...
سعــود :هذي رغبتهـا و.....
ودق جـواله وقطــع كـلامــه ..
كمــل سعـود :وقلت القط جاني ينط ...
ضحك ياســرضحكـه بسيطــه لها ألف معنــى ومعنــى ..
وبالصدفـه رفع عينــه وطاحـت بعينــه أبوه اللي الله أعلــم من متـى يراقبــه ..؟؟!!! طـولت العيـون متشابكـــه لين قطعهـا سعــود اللي نادى على ياســر
ياســر :هاه ..
سعــود :وين رحت يالرجـال ..
ياســر بلفـه بسيطـه على أبوه وشافــه يتكلـم مع واحـد من معارفــه :ولاشـي موجود معــك .... بس القلب بعيــد يـا ياســــر ولااااا ...
_________________
السـاعه ثلاث الصبــح
كانت تأكــل أصابعهـا من توتــر تنتظــر فاتــن ترد عليهـا بعــد ماشرحت لهـا كل الخطــه مرفقـه بالصوره ..
دخـل للبيت وبمـلل فتح التلفزيــون بيتـابع أي شي بس يوخــر الملل عنـــه ...
وبلمحـــه خاطفـه شاف لاب تـوب على طاولــه في الجهـه الثانيـه من الصاله والغريبـه كان مفتــوح وأهلــه كلهــم نايميــن ...
أخـذه وحطـه فحظنــه أنتبــه على اشارة رساله بريــديه قادمــه وبدون أي أحســاس بالذنب فتحهــا ثواني وطلعت عنــده الصــوره اللي اصدمتــه ...
وتحتها كــلام كثير تغاضى عــن الصوره وجلس يقرأ المكتــوب وهو يتلقى الصدمـه خلف الصدمـــه .. فاتــن فارس رحاب خالــد وخلود يعـرف ثلاثــه وثنيــن مجهــولين ولانــقول ثنتيــن مجهـولات بالنسبــه له رجع يقـرأ الكــلام مره ثانيــه وثلاثــه خطـه وأنتقـام وتدميــر وتأنيب ضميـــر أنتبــه على أشارة التنبيـه للمحادثـه مصغره تحــت .. وبأسمـاء صريحــه فاتــن وخالد ...
كانت المحـادثه طويلــه بس أهــم شي آخــر شي فيــه وهو سؤال خالد اللي ماجوبتــه عليـه فاتـن لأنهـا ماهــي موجــوده وكان السؤال متكرر كذا مره وبصيغ مختلفــه ...
خالد :فاتــن أرسلت لك الخــطه..؟!!! ,,, اووووف فاتن وينك وصمــخ ,, فاتــن الله يلعنـ ... ردي ... ياويلك أذا كنتــي بتلعبيـن بذيلك مــن وراي ... فاتــن والله اذا جاء بنت عمــي منك أو من الملعـ .... شي .. وكـــلام كثير كلــه تهـديد ووعيــد حاول يستــوعب اللي يصيــربس ماهــو قادر المــوضوع يلفه الغمــوض .. أخــذ الايميلــين كلهم أيميل خالد وايميــل رحـاب وطلــع غرفتــه ...
فتح كمبيـوتره تـوه بيشتغــل سمــع صوت أذان لامــوأذان (الصــلاة جامعــه الصــلاة جامعــه ) ردد بنفســـه خسوف سبحــانك يالرب ذنــوب البشـــر ذنــوب يالرب ... يارب رحمتــك يالرب ... طلع من غـرفتــه طاحـت عينـه على فاتــن اللي نازلـه من غرفتهــا والجـوال بيدها وتكلــم سألهــا بدون سابق انــذار :فاتن تدريــن هذا وشــو ..؟؟!!!
فاتــن بالرعب :يمه من وين طلعت انت ..
نايف :أن سألتك ...؟!!
فاتـن :تشوفنــي كنت أكلم مأنتبهـت على كــلامك ...
نايف :تدرين هذا وشــو .. وسكـت عشان تسمــع ..
فاتـن بسـاطه:ايه ينادون لصـلاة الخســوف ...
نايف :وليش تقـام صـلاة الخســوف ...
فاتــن :ليش حلــوه ذي لأن القمــر خســوف ...
نايف :وليش خسف القمــر ..
فاتــن :وش قالو لك عالمــة فلك ...
وطنشتــه وبتنزل ..
نايف :من ذنوب الناس يالفاتـــن من ذنــوبهم حتــى الرمضــان ماقدســوا حرمتــه وأنتهكـوها ...
فاتـن بالرعشـه بالسيطــه :ليش تقــولي هالكــلام ...
نايف :مأدري طرى علي وأنتي أول من صادفت فقلتــه لك ... أنا طالع أصلي ...
ومـر من عنـدها بدون أي كلمــه زياده شافتــه يطلــع ويصك الباب اللي وراه معقــوله سمـع مكالمتهـا لا مستحيــل بعـدين حتى لو سمعها يحسبهـا تكلــم سالم ... هزت راسهـا تطرد الافكــار المجنــونه اللي صابتهـا ونزلت تحــت
شافت المحمــول حقهـا وبصــوت مـلان :اوووووف نسيت الغبــي هذا والغبيـه الثانيــه والله هالراشــد سحـرني بس مصيره مثل غيــره ,, وجلست تضحك يوم تذكــرت طــلال اللي كان لاصق لهـا ومأفتكت منــه لين عرفت على وحــده من شلتها وعايشين هــو وياها قصــة حب ... ضحكــت وماتت الضحكــه يوم شافت رساله وارده مفتــوحه بس ثواني ورجعت تضحك والله ساحـرني هالراشــد اكيــد يوم كلمنــي فتحتهـا ومع الارتبــاك نسيتهــا اصلاً لاكلمتــه أنسى حتـى نفسي ...
قرت الخطــه اللي حستهــا سخيفــه وأرسلتهــا لخالد وتندمـت أنها أرسلتها لــه بعد ماشفت تهديداتــه وبعــد هوشـه بسيطــه فضلوا الصلح عليــها عشـان يكملــون المشــوار ...
__________________