[أبو طلال]

قبل شوي كنت عند البقالة اللي بالحارة
أنتظر صاحب لي يطلع منها
شاهدت طفل عمره تقريبا سبع سنوات
شايل كيسين زبالة وأنتوا بكرامة
كيس باين عليه ثقيل والثاني خفيف من ميلانه أثناء المشي
وصل لبرميل الزبالة وكان مليان على الآخر
فرماه جنب البرميل
رمى الكيس الأول ورمى الثاني اللي صدر صوت وكأنه مليان علب فارغة

طبعا نقزت له وقلت ياسلام عليك يابطل تساعد أهلك وترمي الزبالة
ضحك وأنبسط وأخش عليه بالسؤال عن سبب عزل العلب الفارغة في كيس
لحاله بعيد عن بقية الزبالة
قال أمي تقول كذا عشان إذا حطيناهم في كيس كبير بيجي الهندي بيفتش
وعشان الله يكتب لنا أجر نحطه في كيس عشان يجي ومايتعب
وتنحسب لنا حسنات على قد نيتنا

ياسلام
وربي عمل غير وجديد
حتى في الزبالة ناس تدور الأجر
ياسبحان الله
والأم تعلم ولدها حب الخير والبحث عنه

قررت أني أسوي مثل هالولد
بحط كيس خاص للعلب الفارغة