[سعد الماضي]

استغفر الله العلي العظيم من كل ذنب عظيم
اخوي الجاسم العيوني موضوعك في غاية الاهميه ويحتاج الى الكثير من النقاش والحوار ....
اخوي الجاسم العيوني انا اتفق معاك في بعض النقاط واختلف معك في بعض النقاط
اتفق معك ان بعض الشيبان للأسف الشديد لما يجي واحد يخطب بنته تقول والعياذ بالله انه عارضها للبيع وان بنته للأسف صارت سياره او سلعه يعطيها للي يزيد سعره وهذا اكبر خطاء يقع فيه هالشيبان او الاباء
وانا اختلف معك لما تقول لبنت البلد خلوها تعنس هذا خطاء اخر انت اخي العزيز تعالج الخطاء بخطاء اكبر منه !!! انت لو خطبت بنت ورفضك ابوها لجشعه او لطمعه لبنته فهذا ليس نهاية المطاف.. فهناك بنات كثيرات بالبلد يبحثون عن الستر ويبحثون عن ظل رجال واحد فقط يقف معهم وهناك ايضا شيبان يشترون الرجال ويساعدوا الرجل الذي يخطب بنتهم في كل مصاريف الزواج وبعضهم يقول له لاتكلف نفسك فوق طاقتك بمعنى الصريح (الي تقدر عليه سوه) او بمعنى خذ البنت بعباتها
وانا اعرف الكثرين من الاباء بيض الله وجيهم دنيا واخره لم يطلبوا شيء لمهور بناتهم وموجودون هنا بمدينتنا ..
وانا املك الاسماء الكثيره ولكن لا اريد ذكرها.... ...
وبنت البلد اخوي تعرف اهلها ونسلها ولله الحمد تعرف عوايد اهل البلد الي انت عايش فيه وهي افضل بكثير من البنت الى من خارج المملكه والي انت راح تتعب وانت تراجع وزارة الداخليه عشان الفيزا والبنت الي بتاخذها ماتعرف عنها اي شيء سوى جمالها الي اتوقع مابقى احد من جيرانها ماشاف وجها الله يستر عليها وعلى بنات المسلمين وعوايدها وتقاليدها غير عوايد وتقاليد البلد الي انت عايش فيه والحمد لله احنا الان في مدينتنا العيون كلنا اهل وقرايب وكل واحد في البلد يعرف الرجل الصالح والرجل الطالح او السيء
وقال صلى الله عليه وسلم ( فاظفر بذات الدين تربت يداك ) وهذا الأمر ينطبق على الزوج
وايضا لاأنسى ان البنت لها الحق في رفض اوقبول الشخص المتقدم لخطبتها وهيا لها الحق في وضع شروطها سواء كانت يسيره اوعسيره ولكن نصيحتي لهم ان يسهلوا على الرجل المتقدم لخطبتهم لقول رسول الله صلى الله عليه وسلم في الحديث الشريف ( من أتكم من ترضون دينه وخلقه فزوجوه) ) ..

واتمنى منك اخي الكريم انك تتقبل رأيي ونصيحتي بصدر رحب .....والله يوفقك وتاخذ البنت الي تساندك في رضى الرحمن عزوجل اولا
ومن ثم يرزقك الذريه الصالحه ان شاء الله وتكون زوجتك عونا لك في حياتك هي وذريتك الصالحه ان شاء الله ...

فأرجوا منك اخي الكريم ان تراجع حساباتك ....