[سعد الماضي]

لاحول ولاوقوة الا بالله العلي العظيم
انا اتمنى من كل قلبي ان الاسعار تنخفض مو ل50% بل الى 70% او 80%
لكن الانظمه الي عندنا ماتساعد ابد
ابد
تدي ليش ياأخوي
اذا ماخذها المواطن بتاخذها الشركات والمؤسسات للأسف الشديد
ومن الخسران في هذه اللحظه المواطن بكلا الحالتين
وانا زي ماذكرت في السابق وراح اعيده لك من جديد
احنا عندنا هنا الغرفه التجاريه وحماية المستهلك ومكافحة الغش التجاري محتاجه الى تغير بالكامل لأنها جهات للأسف الشديد نايمه بشده ولاتهتم بالمواطن
الشيء الوحيد الي تقدر عليه هو خروجها على الشاشات التلفزه وتتفاخر بأنها موجوده لخدمة المواطن
وهي وللأسف الشديد ماتدري وش حال المواطن
والي قادرين عليه بعد انهم يضعون ارقام هواتفهم ولم تتصل ماحد يرد عليك ولا كله مشغول !!!!!!!!!!!
انا اقراء واشاهد الكثير عن الخسائر العالميه للسيارات
ولكني استغرب من غلائها عندنا هنا وبالذات شركه تويوتا الي عندنا تبي تعوض الخسائر شركة تويوتا الام عن طريقنا
ان شاء الله وان قدرت اليوم راح احاول انزل صور للسيارات وهي متكدسه عند غيرنا وشلون المقاطعه عندهم مو مثل عندنا
وراح تشوفون السيارات بكم هائل هناك عند المنتجين والمصنعين يبون اي احد يجي ياخذها ويشيلها بس وبأسعار قليله ورهيبه جدا وحلوه بالنسبه لنا احنا المواطنين
والي عندنا هنا للأسف هنا يشتورنها من هناك بأبخس الاثمان ويبيعونها لنا بأعلى الاثمان
ذابحهم الطمع بقوه هذا الي اقدر اقوله وحسبي الله عليهم
ولي رجعه للموضوع مره ثانيه ان شاء الله