[أبو طلال]

رجعنا لهذا الأمر من جديد

انا أشكر أخوي عبدالرحمن اللي نقل لنا هالموضوع
وهو موضوع الأوراق والرسائل والوصايا اللي تجينا مدري من وين
تذكرون وصية حامل مفاتيح الكعبة
تذكرون وصية مؤذن الحرم المكي
تذكرون رسالة العلامة الشيخ أبو أحمد
وغيرها وغيرها

يا احبابي
بالعقل تعالوا نتحاور

هل يعقل ان يقول هالشي شخص مانعرف عنه الا انه دكتور واسمه مصطفى
هل يعقل ان الدكتور مصطفى ماله عنوان او بلد او عمل عشان نعرف ان الامر هذا صحيح
هل يعقل ان الرسول الكريم ماجاء الا للشخص هذا فقط مع العلم ان هناك اشخاص كثر يرون الرسول الكريم في منامهم
طيب ليه نوزع هالرسالة وش المقصود فيها
اذا كان الامر صحيح الرسول وصى مصطفى انه يبلغ ماوصاني انا
وبعدين ليه العدد 25
والاخبار الجميلة ليه في الاول بعد اربعة ايام
وبعدها صارت الليلة

عموما مثل هالخرابيط هذه ماتمشي عندنا أهل السنة والجماعة هذه تمشي على مذاهب وفرق أخرى
اما إحنا نعرف الله تعالى حق المعرفة ونعرف الرسول حق المعرفة والدين عندنا مايحتاج فيه اي واسطة او واحد ينقل لنا

نهاية الأمر أرجو قراءة مافي الرابط تحت عشان تعرفون كيف الواحد يتعامل مع هالنوعية من الرسائل

وقبلها اشكر اخوي عبدالرحمن مرة ثانية على هالموضوع اللي ينبهنا فيه لأخذ الحيطة والحذر من هالشغلات هذه

http://www.islamway.com/?iw_s=Articl...article_id=178