[«¤¶`جارالله`¶¤»]

السلام عليكم ورحمة الله وبركاته

الأخوه الافاضل بمنتديات ملتقى العيون

كل عام وأنتم بألف صحــه وعافيه

ومن العايدين الفايزين

أعتذر عن الإنقطاع

وأهديكم هذه المتواضعه وهي آخر ما كتبت

وعسى أن تنال إعجابكم

العيد قرب والحبايب بعيدين=وقلبي يتوق متايق الطير قرناس
للي لهم في وسط قلبي ميادين=واللي غلاهم ماله اليوم مقياس
لاشك بفرح فرحة العيد عيدين=عيدي وعيدك يابعد كل هالناس
الناس تفرح لابسه ثوبها الزين=وانا في شوفك أتردد بالأنفاس
اكنّها بالصدر من بين لا بين =وأقولها بالصوت وأدق الأجراس
ماغيرك اللي تارسه محجر العين=وماغيرك اللي يزهي الزين بلباس
انتي الوحيده من تقود المزايين=وأنتي الفريده والحلا فيك مغراس
ياقاضيه من بين شلّة محامين=منهو يخالف بالحكم راح ينداس
يا بنت شيخٍ قايدٍ للسلاطين=معرّبه من جدّها لآخر الساس
يا عقد لولو .. يا خلاصة مراجين = ياذا العقيق النادره بين الألماس
ياجوهره.. يا كبرياء العناوين=يا جنس نادر.. فارعٍ بين الأجناس
يا أحلى قصيده دونت في دواوين=كلاً قراها مدونه وسط كراس
ياعود غصنٍ منثني في بساتين=انتي الأميره لا ولا شيخة إحساس
إحساس يعني ساريه بالشرايين=متمكنه فيني من الساس للراس
خليت لك قلبي بهالعيد قلبيــــــن =وانا اتوووق متايق الطير قرناس

وسلامتكم

وإليكم رابط القصيده من ديواني الإكتروني

http://www.khozamanajd.com/poems.php...on=view&id=797