[مهـرٍة العيوٍن]

السلام عليكم ورحمة الله وبركاته ،،

يسعد أوقاتكم جميعاً ،،

هـذي قصيده أعجبتني وحبيت أنقلها لكم إن شاء الله تصل إلى ذآئقتكم .. ^_^

،،



علـى ذاك الوعـد و اهـل الوعـد و الحـب راح البـال
يـزور اللـي تــرك قلـبـي مــع هـمـه وخـلانـي
،،
معـي لـه دمعتيـن و جـرح ينـزف لـه و حظـاً مـال
و تسابـق خطوتـي لـه جمـرة الـشـوق و تعـدانـي
،،
و أنا كلي تعـب حـزن و سهـر فينـي .. و راس المـال
عطـش ذيـك اللهاة اللـي ضماهـا يـجـرح لسـانـي
،،
و اقلـب فالقصيـد اللـي عليـه مـن الـمـلام جــدال
عـلامـه يــوم ذكـرنـي وليـفـي لـيـن بـكـانـي
،،
ذكرت الماضـي اللـي فـات يـوم إن الفـرح مـوال
أنـا و خلـي انتسـامـر بــه و غنيـتـه و غنـانـي
،،
وذكـرت المرتيـن الـلـي تلاقيـنـا و طــاب الـفـال
جلـس جنبـي و حبيـت اليـديـن و هــز و جـدانـي
،،
وقـال إنـي أحبـك مـا أبــي غـيـرك و لا رجــال
علـى الله و امـانـه مــا اتنـاسـى لــو تناسـانـي
،،
تشابكنـا اليديـن اللـي روينـاهـا دفــا و وصــال
علـى درب السعـد منـيـت عيـنـه يــوم منـانـي
،،
و بنينـا حلمنـا بيـن الشـجـر و الـظـل و الـشـلال
تحـت غيـم الامـل اهديـت روحــه كــل تحنـانـي
،،
رسـم فستـان و الطرحـه علـى وجـه القمـر تختـال
و قـال انــه لأجــل ذاك الـزفـاف ان الله احيـانـي
،،
وشـاورنـي باساميـهـم إذا ربــي رزقـنـا عـيـال
‏" عبدالله " و " سـارا" انـا ابغـى اسمـي قـرة اعيانـي
،،
سهرنـا ثـم سهرنـا ثـم سهـرنـا نـرسـم الامــال
كـذا و لا كـذا .. آحــلا كــذا .. خـلـه علشـانـي
،،
و فـي لحظـه و أنـا غافـي صحيـت بدقـة الـجـوال
علـى الصـوت الحزيـن اللـي [ ينادينـي و ينخانـي ]
،،
يقـول الحـق أبـي ظلـك قبـل قبـري يصيـر ظــلال
{ وقف دونك بني عمـي و اشـوف المـوت يبرااانـي }
،،
و قلـت أرجـوك لاتمـزح بـلا ضحـك و بـلاش هبـال
حلـف بالله و ثـم و الله صحيحـآ كــل مــا جـانـي
،،
بغيت انهـض و رجلـي مـا قـوت تاقـف و لا تحتـال
حـرام انـه قطـع قلـبـي قـبـل لايعـقـد لسـانـي
،،
دخيلك عـي لاترضـى تـرى دمعـي مـن اجلـك سـال
انـا اللـي أزهمـك تكفـى دخيلـك .. جـف شريـانـي
،،
و صـاح الصيحـه اللـي مـن بعدهـا فالحـشـا لا زال
يـردد لـي صداهـا مـوت حلمـي بــه و يمحـانـي
،،
حاولـت بكـل مــا أمـلـك أرده و الـرجـال جـبـال
حدونـي عـنـه و الفـرقـا لـهـا ذيــب تعشـانـي
،،
ضيـاع الحلـم فـي يـوم علـى قلبـي مثـل زلــزال
معرضنـي متـاهـات الـزمـان و عـشـت بأحـزانـي
،،
هذاك اللـي مضـى و اللـي مضالـي يـا بـري الحـال
يتـل القـلـب تــل و يحـيـي اشـواقـي و تبـلانـي
،،
و انا مابي "عبدالله" و ما أبيك "سارا " بلاش اطفال
" اااابـي أم لهـم راحـت بفيـة واحــد ثـاااانـي "

مودتـــــي ..