[سطل]

ارحبوو

انا احب افيدكم علما ان مو مدارس اللي بتروح ارامكو بكبرها واستراتيجيتها ماهي مثل اول

احب افيدكم ان ارامكو خطتها المستقبليه انها تشيل مسؤوليتها الكامله عن موظفينها بس اللي بيكون باارامكو مستقبلا هي الاداره العليا

لان ارامكو في هالفتره تتعاقد مع مقاولين يمسكون زمام الامور تحت ادراتها
ارامكو تمشي خطوه خطوه كل سنه تتكنسل اداره ويحول موظفينها الى اداره اخرى او انهم يتقاعدون والمقاولين اللي تتعاقد معهم ارامكو طبعا المستفيد الاول والاخير هو صاحب الشركه المتعاقد معها والعاملين بالشركه رواتبهم قليله جدا لاتتجاوز الالفين

ارامكو تبي تتخلص من الموظفين عشان ماتبي تتحمل تكاليف المستشفيات وقروض البيوت والبدلات والى اخره
مع ان ارامكو هالشي ماراح يفلسها لكن استراتيجية العرب حاسدني واحاسدك وش نسوي معهم يعني مالك الا انك تحط وجهك بمرقة هندي وتقول اااااااويلاااه ..

والحين ماتبون ارامكو تستغني او بمعنى اصح تفتك من المدارس اللي تصرف عليها

ارامكو بتستغني عن موظفينها وانت تقول لي ارامكو لازم تمسك مدارسها

اخوي حب العيون انا معك ان ارامكو فيها كل شي واذا حطت يدها بشي يصير احسن مايكون لكن ماباليد حيله وترى هالفكره ماهي بفكرة الوزاره هي قرار من ارامكو وعرض منهم عشان يتخلصون من هالشي واكيد صاحب هالاقتراح حصل على قريد لانه وفر على الشركه اموال كثيره وصدقني الوزاره لو الود ودها ان ارامكو تمسك كل مدارسها عشان هي بعد تحافظ على ميزانيتها السنويه ....... ياناس ياعالم فكرووو وفتحوووو ترى كل واحد يبي يخلي مسؤوليته لاتفكر ان الوزاره مبسوطه على منشأت ارامكو ..بالعكس هم اذكياء بس تورطوو يوم قالو ارامكو خوذوووووو مدارسكم ومالكم عندنا شي تراكم غثيتونا وحنا نصرف عليكم سنين طويله


اتمنى ان اخبار ارامكو واستراتيجيتها توصل لابو متعب عشان يتصرف زين

كل واحد يجي ويحط له قانون من عنده وهالمساكين الصغار ماكلينها

اقول لاتخلوني اتكلم ترى قريحتي مريضه اخاف اقلبها سمردحه في ذا


وياليت تكتب الموضوع ضاعت ارامكو ياشيبانا واترك عنك مدارسها

يالله باي