[سطل]

يااخي مشكله العالم

مااقول الا ضربني وبكى ..وسبقني واشتكى


وفيه مثل اخر اتمنى تطبيقه عشان مااحد يجيه غلط من احد

لسانك حصانك ان صنته صانك

يااخوان العالم وصلت المريخ واحنا للحين في عصر المبزره ..طقني ضربني سبني

كنا واحنا صغار اذا تهاوشنا مع بعض .. لازم الواحد يضرب عدد الضربات اللي جاته يعني حتى لو لمستك تنعد ضربه وهذي اهانه لازم اردها بالعدد نفسه والا امووت من القهر .. بس يوم كبرنا صرنا نضحك على بعض يوم نسترجع ذيك الذكريات

الحين وشلون كل واحد شنبه اكبر من وجهه وهذا يقول ضربني وهذا طقني ... طيب الى متى

ياخي طبق المثل اللي يقول الحقران يقطع المصران ..

اجل واحد في حاله تجي وتنرفزه وترفع ضغطه وش تبي يسوي لك يضحك لك والا يرقص ..اعتقد انت تبي توصله الى هالحاله


طيب لا انت براضي يضحك لك ولا انت براضي يرقص لك ولا انت براضي يتكلم عليك 0.... انت وش تبي منه بالضبط


يااخي الواحد داخل هنا يعبر عن شعوره وثقافته وكتابته ويسلي نفسه ويوسع صدره مو جاي هنا عشان طقني شتمني ضربني هزئني لازم ارد له الصاع صاعين لازم اطرده من المنتدى ... طيب الاداراه تغاضت وعطت فرصه للجميع... ممكن الواحد يكبر ويعقل ..ممكن الواحد يراجع نفسه ... يااخي الواحد يخجل من نفسه اذا طلعت منه هالكلمات وانت تتكلم مع واحد من اهلك ومن ديرتك ...استحي اسوي انفايت (دعوه) لناس من خارج الديره واخليهم يتشمتون على الناس اللي تسب بعضها ..والله عيب الواحد فينا يكبر ويعقل وانتو الواحد فيكم يكبر ويستخبل


وانت يالطرقي نص مواضيعك كلها رسايل او شكاوي والمشكله انك انت اساس المشاكل وترجع تتكلم عن الاخلاق


مدري نسيت نفسك يومك تغلط علي عشاني صرت حيادي في موضوع رسالتك لابراهيم الشدي ؟؟

بس تعرف ليه مارديت على اهانتك ؟؟

لاني اكبر من هالحاجات ...اصلا حسافه ارد على مسبه ... وان رديت ترى لساني سكة حديد دمام رياض رايح جاي

مااقول الا اكبر واعقل وخلك ذرب وان كان ماحشمت الاعضاء فاحشم راعي المجلس (الاداره) وان كانك اول مره تدخل منتديات فهذا كلام ثاني

والمفروض الاداره تكتب للمبتدئين تحت اساميهم بدل عيوني مميز تكتب عيوني مبتداء عشان مانشره على كل كلام تقوله

ترى الدعوه عادي

بس الرجاء كل الرجاء احترام النفس قبل احترام الغير لان الواحد اذا احترم نفسه عرف كيف يحترم غيره والناس بكذا تحترمه وتقدره وتعد له الف حساب


عسى وصلت المعلومه ...وياليت تبطل رسايل بالعام وان كان عندك مشكله وكونك مبتداء ترى فيه رسايل خاصه تقدر ترسلها للاداره وهم يتابعون موضوعك

وان كان فيك شر على احد تقدر تقابله برى المنتدى وتفكنا شركم ترى نحشتو العالم من جد

:)