[ذكريات]

انت يمكن مافهمتني يابو سلمان انا موضد الزواج من ثانيه لكن ضد ان اغلب الشباب جالس ومتكي مثل ماقال اخوي النورس ووصل لعمر الثلاثين وهو مو قادر يجمع ريال متى توظف ومتى استقر بحياته ومتى راح يفكر يتزوج الحل مو الزوجه الثانيه الحل توظيف شبابنا وتزويجهم بعد كذا انا اقولك هنيالكم الزوجه الثانيه 000

يعني تخيل الأب عمره 50 والأبن عمره 25 وماتوظف ولا تزوج موجود هامش في الحياه ويطلبون التعدد ويجيك الأب اللي عمره 50 ويتزوج الثانيه اللي هي عمرها من عمر ابنه مو هاالأبن المسكين يتحسر وش وظيفته باالحياه اكل ونوم وصياعه وبالبطاله كل مالها تزيد ولا نشوف حل جذري لها لكن شاطرين يتكلمون عن الزواج باالثانيه اذا هم تزوجوا وخذوا لهم على ثنتين وثلاث الشباب وش ياخذون بعدين وانا ابصمك لك باالعشره انهم الثانيه يبونها اصغر من الأوله يعني الشباب اذا كون نفسه يتزوج ام الأربعين 000

اخوي بووسلمان حنا عندنا ظواهر كثيره لكن ماعندنا الأهم والمهم 000

وبعدين في نقطه اذا هو مومهم راي زوجته وش استفاد يتزوج وحده ويطلق الثانيه هذا موحل لأن كل الزوجات مستحيل تقتنع بوجود غيرها ومن دون رضاها بعد اخربت يتزوج عانس ويشتت ام عياله القضيه كبيره ماهي هينه 000