|
وصية الشاعرة عابرة سبيل قبل وفاتها....
بسم الله الرحمن الرحيم
السلام عليكم ورحمة الله وبركاته
اخواني اخواتي اعضاء ومشرفي منتدانا الغالي
ابي اشارك معاكم اليوم بقصيدة فيها وصايا الشاعره المعروفه
عابرة سبيل لزوجها قبل وفاتها بعد معاناتها الطويله مع مرض السرطان ( كفانا الله واياكم واهلينا وجميع المسلمين منه رحمنا الله واسكننا فسيح جناته )
اترككم مع القصيده وارجو ان تنال اعجابكم
ترى الذبايح واهلهـا مـا تسفينـي
انا ادري ان المرض لا يمكن علاجه
ادري تبي راحتي لا يا بعـدعينـي
حرام ما قصرت يـدك فـي حاجـه
أخـذ وصاتـي وامانـة لا تبكينـي
لو كان لك خاطر ماودي ازعاجـه
ابيك في يديك تشهدنـي وتسقينـي
امانتـك لا يجـي جسمـي بثلاجـه
لف الكفن في يديك وضف رجلينـي
ماغيرك احد كشف حسناه واخراجه
ابيك بالخيـر تذكرنـي وتطرينـي
يجبرني خالقـي مـن نـاروهاجـه
سامح على اللي جرى مابينك وبيني
ايام تمشـي عـدل وايـام منعاجـه
همي عيالي وانا اللي فـيني كافينـي
علمهـم الديـن تفسـيره ومنهاجـه
الله يرحمها ويرحم امواتنا واموات المسلمين..
|