[الوفاء طبعي77]

بسم الله الرحمن الرحيم
الحمدلله رب العالمين والصلاة والسلام على اشرف الانبياء والمرسلين نبينا محمد عليه افضل الصلاة والتسليم اما بعد :-
اسمحولي ان اتكلم بالعامية.
من باب الغيرة على اهل ديرتي مدينة العيون حبيت ان انقل لكم وجهة نظري عن ماحدث في مجتمعنا العيوني بسبب المسلسل التركي سنوات الضياع اوبين قوسين عند الشباب (( لميس)) والله العضيم يحز في نفسي عن ماسمعته في مدينتنا الغالية اذكر لكم بعض ماسمعته وحدة ولدت جابت بنت سمتها لميس طبعا انتو عارفين من عليه ,الله لوتدري عن ام المؤمنين عائشة بنت ابي بكر الصديق رضي الله عنهما وعن اخلاقها وفضائلها وحبها للرسول صلى الله عليه وسلم وعن ما تفعله لنساء المسلمين (الله اكبر).

وسمعت ان امهاتنا الافاضل الكبار في السن يتابعون هذا المسلسل سبحان الله بدال ماتنصحونهم تروحون تسون مثلهم ,اذا البنت شافت امها تطالع يعني وش تقول البنت في داخلها !! ان الشي اللي تطالعه امي شي عادي وما فيه عيب .
ولا بعد سمعت ان امهاتنا الله يسلمهم يجلسون يتحرون المسلسل قبل مايبدا المسلسل بربع ساعة الربع ساعة ويش يسون فيها انا اقول لكم يا طويلين العمر والسلامة يجهزون القهوة واشاي والحب الخ الخ ولاتنسون الكلينكس عشان المواقف الحزينة
ولا بعد يتصلون على ربعهم وجيرانهم ويتجمعون .((وش دعوة مبارة المنتخب ))!!! يالله خلوها على الله .
وسمعت ان بناتنا اعوذ بالله اذاكانوا نايميين يوقتون الساعة على موعد المسلسل ووقت الصلاة لا.
يعني النية نية مسلسل مش نية عبادة . !!!؟

فهذا بانسبة لما سمعت , امالما رأيت بماانني شاب واحب كرة القدم اول قبل مايجي هذا المسلسل ويعرفونه الناس كنا نلعب بعد صلاة العصر على طول
لا. الحين غير , المسلسل يبدا الساعة 4 وينتهي الساعة 5 الشباب مايجون الا بعد الساعة 5 الله المستعان ..
لا وهذا الموقف اللي ما انساه ابدا ذيك الليلةكنت موصل الوالدة مشوار العادة يكون الشارع زحمة سيارات وناس يتمشون على الرصيف فجاة لقيت الشارع فاضي موعادة يكون هالشي يمكن ماشفت الا هندي يتمشى بسيكلة((بوهنود)) وقليل من الشباب وقفت عندهم وسألتهم وش صاير اليوم قالي وهو يضحك الليلة الحلقة الأخيرة من (((لميس)) .

ما اقول الا يالله تهدي ابائنا وامهاتنا وشبابنا وبناتناويحميهم من النوعية هذه من المسلسلات ومثيلاتها ..



على العموم اسف على الإطالة ولكن يعلم الله اني ماكتبت هذا الشي الأ غيرة على ناسي وأهلي وديرتي العيون .((تكفون حافظوا على عاداتنا وتقاليدنا ))

إن كان قولي صوابا فمن الله وان كان خطا فمن نفسي .
وصلى الله على نبينا محمد وعلى آله وصحبه اجمعين.


أخوكم/الوفاء طبعي 77@@..ل