[عَذْبَھْہّ]

السلام عليكم ورحمة الله وبركاته

مساء / صباح الخير ..


أخواني .. أخواتي ..


اي علاقه في الكون .. تبنى على أسس .. ويكون لها أهداف ,, مهما كانت هذه العلاقه ..



أضع بين يديكم هذه المتواضعة


انتشـر حبـك بجسمـي .. لا وحتـى بالعـظـام
واختلـط حبـك بدمـي .. فالمعالـيـق يـعـدي
يا هيـام ٍ فـي هيـام ٍ فـي هيـام ٍ فـي هيـام
يا ضياعي ! يا اتجاهـي ! يـا دروب المهتـدي
لو تـذوق النـوم .. جفنـي مـا تهنّـى بالمنـام
طاوله فيـك الغـرام .. وطاولـه فيـك سهـدي
لك حبيبـي فـي ثنايـا جـوف هالقلـب احتـرام
لك حبيبي ( قولتي ) : لبيه .. آمر .. يـا بعـدي
كيف اصبحك بسلام ! وكيـف امسيـك بسـلام !
وانت في مجرى وريـدي مـع سواقيـه تغـدي
لك عيوني .. لك حياتي .. لك سنيني .. لك مقـام
لك حلالي .. لك فوادي .. لـك ورودي وشهـدي
فـوق كفـك دق حنّـا .. والبـلا فعـل الزمـام
والحلا .. ليـل ٍ تسلـل فـوق الامتـان اجعـدي
لا طويل .. ولا قصير .. ويا حلـو زيـن القـوام
جـلّ مـن صـوّرك والله فـي غرامـك مولـدي
مـا لقينـا لـك شبيـه ٍ فـي غناديـر الشـوام
ومـا لقينـا لـك شبيـه ٍ فـي بنـات الاحمـدي
انت دانه .. وانت آيه .. وانت عشـق المستهـام
وانت نادر فـي عيونـي يـا عيونـي وسعـدي
وانت والله يا ( صغير الحب ) مـن قبـل الفطـام
ما قصرت الفكر دونـك .. لا ولا ضـاع جهـدي
انت امسي .. وانت انسي .. وانت جرحي والختام
وانـت والله يـا حبيبـي شمعـة اليـوم لغـدي
انت غايـة مطلبـي يـا روح روحـي والغـرام
وانت شف البـال والله وانـت غايـة مقصـدي
احسد البرقـع عليـك .. ولا حسـدت إلاّ لثـام !
كيف ما يخجل ! وليله ما غـدى عنـه اجـودي!
فوق خدك .. حب خالك ! وازعلوا منـه العمـام !
كيـف يقـدر يستبيـح الخـد يـا خـد ٍ نـدي!
ترتدي ثوب ( الشرف ) و ( العز ) من فوقه وسام
كيف ما يصبح وسامك ! وانت ( عزّه ) مرتـدي
بنت شيخ ٍ ما ( توانى ) .. ما يفك إلاّ ( الزحام )
فزعة اللي ينتخـي ويصيـح تكفـى يـا سنـدي
و ( الحظيظ ) اللي قرب حظه من حظـوظ الكـرام
ما خشى شر الزمان .. ولا خشى الحـظ الـردي!
اتـرك الواقـع واعيشـك فـي خيالـي بنسجـام
واربـط الواقـع بأحـلام الخـيـال السـرمـدي
مـا بغيتـك فالظـلام .. ولا بغيتـك بالحـرام !
ما بغيتـك غيـر ( بالعـز الشريـف المقتـدي )
مـا بغيتـك بالتلاعـب .. مـا بغيتـك بالكـلام
ما بغيـت إلاّ ( اخـوك يصيـر خـال ٍ لولـدي )
لك جنوني .. لك ظنوني .. يـا حبيبـي والسـلام
وانت غالي .. ثم غالي .. ثم عالي .. يا سعـدي