[أبو طلال]

لالالالالالالالالالالالالا

انا اختلف كليا مع هذا الكلام
مايمنع ان الزوجة كونها تشتغل انها ماتقوم بواجباتها كزوجة
وبرضو في المقابل مايساعد الحرمة اللي ماتشتغل انها تقوم بهذه الواجبات
القصد من كلامي
عمل الزوجة دليل غير كافي لنقدها كربة بيت
وليه الممرضة بالذات ؟
الزوجة الطالبة
الزوجة المدرسة العاملات في سلك التعليم
الزوجة الطبيبة والعاملات في الصحة
واللي في البنوك والجوازات وغيرها وغيرها

هل يعقل انهن زوجات غير قائمات بواجباتهن الزوجية
تعالوا بعد نروح للزوج
يعني ليه الزوجة العاملة هي خاملة في نظر المجتمع في بيتها
ويقولون انها تجي للبيت تعبانه ومالها خلق تسوي اي شي
طيب الزوج العامل يرجع للبيت من العمل تعبان ومهدود حيله
ليه ماقالوا عنه انه خامل في البيت وانه مايقوم بواجباته الزوجية
على الوجه المطلوب

اما مقولة العادات والتقاليد لابد انها تعمل ولو كان فيه ظلم
فهذا الكلام اسمح لي يالقاضي غلط جملة وتفصيلا
اولا نطالع الشرع وش يقول وبعدها نلتفت للعادات والتقاليد
اذا كانت العادات تخالف الشرع وش نسوي نلقي كلام الشرع في الشارع
وظلم الغير بحد ذاته مخالف للشرع
فالله حرم الظلم على نفسه وجعله حراما بين عباده فكيف نوافق عليه