[شارد بن جمعه]

السلام عليكم ورحمة الله وبركاته

الحقيقه الديره تعاني من مشكله وياليت نخلص من هذي المشاكل ...كل وقت نسمع صار فيه نزاع بين الأخوان وعيال العم ...وبين الناس بسبب قبيله ... وبين الشباب الزعيط يسفط لك عالى جانب الطريق واللي خلفه يضرب البوري ( ساعه كامله ) ... ولا مثل ماصار قبل كم يوم الباكستانيين اللي تهاوشوا
هذي كلها مشاكل وسببها ( ابليس ) اعوذ بالله من ابليس

	أقول وش لكم ياقوم بهدات النـــــــزاع = بالكاد سبايبها شـــيطان مــــــريد شانكم من عقب الوصــــل الوداع = متفرق كما سباع تلحق طــــــــريد وش لكم بقول بأمراض الوجــــاع = هاجسه صايب الحــــــــر الشديـــد حالكم ياحالكم حالكم صـــــــراع = مادريت مفارقة الطفل الولــــــيد؟ منوتي يامنوتي ردها ســـــــراع = قبل حـــــــــامي النار يفك الحديد ويغدي الجمعين من الجمعه فراع = كل جمعته بجمعة البيت العــــــويد شايب قالها ودعوني الــــــوداع = حبايبها شالت الحقاد عضـــــــــيد وتعوذا من خناس للفرقــــــا يزاع = واذكروا رب كل في قبره وحـــيد واعذروني على القصور