[عَذْبَھْہّ]

مقاديرها

اما إنكم تجيبون خلطة كباب جاهزة من اللحام

يكون فيها البصل والبقدونس والبهارات والملح

او أنكم تسوونها بالبيت

وعشان تسوونها بالبيت ولو جبتيها جاهزه

تزيدين عليها بالبيت حبة بطماطم متوسطه مفرومة ناعم

( عشان ما تطلع اللحمة ناشفة لما تنشوى بالفرن )

المقادير ..

@ ربع كيلو لحم مفروم ناعم جدا

@ 15 عرق بقدونس مفروم ناعم

@ بصلة متوسطة مفرومة ناعم جدا

@ طماطه متوسطة مفرومة مكعبات صغيرة جدا

@ ملح + بهار اسود + قليل جدا من البهارات

@ ملعقتين كبار زيت زيتون ( اختياري فلفل احمر بودرة للي يحب الحر شوي بس )

يعني تجيبي اللحم مفروم ناعم مره وتفرمي كل شي على حده

وتخلطينهم بعدين كلهم سوا بيدك زين تخلطينهم باليد

الطريقة

تجيبي خبز لبناني سميك شوي مو الرقيق

تجيبيه وتفتحيه من جهة واحده شوي

وتمدي فيه شوية من اللحمة وترصيها داخل الخبزة زين

بعدين تسكريها وترصيها بيدك وتدهني على يدك مسحة زيت زيتون

وتدهني الخبزة من الإمام والخلف

بس لا تمليها زيت بس مسح بيدك على خفيف

( انظري للصورة )

ثم تقسميها لأربع أقسام بعدين تلفي كل خبزه بالقصدير

وتحكمي عليها الإغلاق وتخلي اللفة المفتوحة من فوق

عشان ما ينزل ماء اللحمة لتحت بالفرن

وتدخلينهم بصينية الفرن على الطبقة الوسط

وتكوني مشغله الغاز من فوق ومن تحت

على حرارة 180 - 200 درجة

وبعد 20 دقيقة شيكي على وحده منهم إذا احمرت والا لا

إذا ما حمرت اتركيها بعد شوي ممكن تاخذ وقت 30 دقيقة

على حسب نوعية الفرن ونوعية الخبز

او تشوينها بالفحم بعد ماتحطينها بالشبك

بعد ما تطلعيهم من الفرن خليهم بالقصدير مسكر عليهم شوي

عشان ما ينشفوا الخبز او ييبس

وبعدين شيلي عنه القصدير وحطيهم كلهم في صحن

وغطيه زين بالقصدير او بحافظه او بكيس نايلون

واحكمي الإغلاق عليهم لمدة لا تقل عن خمس دقايق

عشان تطرى الخبزة شوي إذا كانت محمصة