الحب شي كبير وماهو بس حكي ينقال
هو نبض الوريد والخفوق بقلوب الحبايب
صحيح إنه عذاب بس تتوارثه الاجيال
كافي إنه يولف القلوب ويجعلها قرايب
أنا تعذبت وتألمت كثير وكرهت الحال
لما فارقت حبي وإشتعلت بالقلب اللهايب
لاكن ارجع وأقول لا هذا روح الليال
وأنا اعلنها صريحه ماني من الحب تايب
الحب يسري بعروقي من الجال للجال
وماقدر اهده واخليه لو يصبح الحظ خايب
شفايف فراوله وجنب الشفايف حبة خال
وخد صافي وحنية طيبه هذي مزايا الحبايب
وانا مجنونها واعشقها وقلبي عليها ميال
وفديتها واخاف عليها حتى من نسمة الهبايب
ولا راحت وتغيرت و قصر الزمن ولا طال
بتم اعشقها واحبها لو تنقلب الدنيا خرايب
وياليل بسألك يامجمع قلوب الولايف والوصال
في بشر مايحب ولا خاطره من الحب طايب