لما الدكتور بيقول..؟؟؟يبقى قصده .....
لما الدكتور يقول:الموضوع ده ما يستناش,لازم نتصرف فيه فوراً
يبقى قصده:
لازم نلحق نعمل عليك شغل,لان لو استنينا هو حيخف وتضيع علي الفرصه!!
لما الدكتور يقول:ايه تاريخك المرضي؟
يبقى قصده:
عايز اعرف اسامي الدكاتره اللي كنت بتتعامل معاهم علشان اعرف انت دفيع ولا بخيل..
لما الدكتور يقول:استعمل الدوا ده وعدي علي بعد بكره
يبقى قصده :
ده دوا لاينفع ولا يضر,تعال لي بعد يومين اكون سألت حد بيفهم..
لما الدكتور بيقول:اشوفك بعد عشر ايام
يبقى قصده :
علشان تدفع كشف جديد,انتمش قرأت على اليافطه وانت داخل مكتوب عليها:الآستشاره قبل اسبوع من الكشف!!!
لما الدكتور بيقول:في عندي خبر وحش وخبر كويس:عندك مرض خطير ,بس لو ما ضيعناش وقت ممكن نعالجه
يبقى قصده :
الخبر الكويس:اني اخيراً حشتري عربيه مرسيدس..والخبر الوحش انك حا تدفع ثمنها!!!
لما الدكتور بيقول:احنا حنتابع تطورات الحاله اسبوع كمانقبل ما انقدم على اي اجراء
يبقى قصده :
الصبر طيب,يمكن البلوهدي تتحول لحاجه نعرف لها علاج!!
لما الدكتور بيقول:انت محتاج تعمل تحاليل
يبقى قصده :
من الآخر انا مش عارف انته عندك ايه يمكن الواد بتاع المعمل يعرف ينورني!!!
لما الدكتور بيقول:اعمل التحاليل في المعمل ده,انابأثق بالنتائج بتاعتهم
يبقى قصده :
بيدفعولي عموله40 % من ثمن التحاليل!!!
لما الدكتور بيقول:انا حاحولك على اخصائي يشوف حالتك احسن مني
يبقى قصده :
انت صحتك زي الفل بس الراجل ده مزنزق في قرشين وواجب ننفعه!!!!
لما الدكتور بيقول:انا حاوصفلك دوا جديد وممتاز
يبقى قصده :
حاقرب فيك الدوا ده انا محتاج حالات اعمل عليها البحث بتاع الترقيه!!!
لما الدكتور بيقول:صحتك زي الفل
يبقى قصده :
حاجه اتزعل فعلاً,يعني حأدفع القسط بتاع الفلا منين يا ربي؟؟؟!!!!
لما الدكتور بيقول:اذا الاعلراض ما خفتش في خلال اسبوع عدي علي تاني
يبقى قصده :
الحاله بتاعتك مقرفه قوي,لحسن الحظ انا الأسبوع الجاي في مؤتمر بره!!!
لما الدكتور بيقول:المضاد الحيوي ده ممتاز جداً مع انه غالي شويه,سيبك من البديل الرخيص بتاع زمان بقى غير فعال
يبقى قصده :
مندوب مبيعات بتاع الشركه لسه خارج من عندي ومديني شنطه دعايه جلد طبيعي تجنن !!!..
مع احترامي للدكاتره ..:)