ويحيون المكان ابزين مهـرج /// لـ قام الرجـل يبدي له بقولـي
=
وتسمع للشعر في ذاك سمـرة /// تخـلي سـامعه مثـل الطفـولـي
=
ويطرق رقة المسمـع خلالـه /// فناجيل ٍ لها صوت الحجــولـي
=
يدور الشعر والفنجـال مثلـه /// وهم في ذا الأناسة لو تطــولـي
=
وختم المجلس ابميعـاد مقبـل /// وذكر الله مع ذكـر الـرســولـي
=
ويلا من الفجر أقبـل علينـا /// وسراج الليل نـوّى بالـــذبــولـي
=
نفضنا عـن عواتقنـا لحفنـا /// وصــلينـا وترجّـيـنـا قـبــــــولـي
=
ومن عقبه توجّه كل ساعـي /// يحـث اخـطاه لارزاقـه ينــولـي
=
حد ٍ للغـوص نياتـه تقـوده /// وْحد ٍ للكــدّ واصناف الحمـــولـي
=
وحد ٍ دوبه إلى البستان ساعي /// ولا يبقى عن احماها كسولـي
=
تفرق كل ساعي صوب شغله /// يكـدّون الحـميّـر والـذلــــولـي
=
ومع خشن المعيشة والمشقـة /// وْمع ترحالهم ويّـا النـــــزولـي
=
تراهم مـا يخلـون التعـاون ///ولا يثـنـون عن زين الفعـــــولـي
=
ألا يا ديرتي ذكـراك عنـدي /// ونا ما نيب غافل أو جهــــولـي
=
حملت اسمك ولي فيه المعـزة /// أفاخر بك ولا أخشى العذولـي
=
عسى رب السما يشمل ربوعك /// بسيل ٍ دايم ٍ لـك بالهطولـي
----------------------------
والسلامة للجميع