[عَذْبَھْہّ]

اشكروني ماانكروني ...

قال ابن منصور قول مايدخل به نزاع
مصدره من باشه ساكن بين الضلوع

يدرس الاحداث باالتجربه والاطلاع
ويتخير تمرة الطير من فوق الفروع

كثرو اصحابي وربعي وكبر الاجتماع
في ضمير مادخل فيه شيطان منوع

صرت اراعيهم بحب وكرامه واقتناع
وادمح الزله ولو شفتها عميا الصنوع

واستر المخطي واذريه بااطراف الشراع
وانصح اللي ماوقع ينتبه قبل الوقوع

وابذل المعروف فيهم قدر المستطاع
واتبعه باالصمت وانساه لو اظمى واجوع

والنتيجه شي اثمر بطيب وشي ضاع
واكتشفت المخلص من المنافق والخدوع

اشكروني ماانكروني طويلين الذراع
وانكروني مااشكروني خبيثين الطبوع

مير توبه ثم توبه وقلعه وانقطاع
عن قريبين المضره بعيدين النفوع

يامضيعة الجمايل من اليوم الوداع
الوداع ابلا تحيه ولابعده رجوع

عن ردين النوايا قصيرين البتوع
انا ربعي كل حر عريب اصل وشجاع

ماني في حاجه منافق ولا خبل خموع
طال راسي مع اهل العز والدنيا متاع

يتعب الطماع فيها ويرتاح القنوع
والختم قبل ارفع عن وجه الورق دم اليراع

ابا انصح اللي ما وقع ينتبه قبل الوقوع
---
الا اخر القصيده
.................................................. .......