يارب صبرني
 

يارب صبرني

يارب صبرني على ماجرالي
وأجبر عزايه يوم ألقى مصيري

اليوم أشوف كل شي تغير بحالي
آمنت باالله والمقدر يصيري

الموت حق لو تطول الليالي
لابد من فرقا الأهل والعشيري

وين الزمان أول وين ولى وزالي
والعمر بأعداد الأصابع قصيري

اليوم أشوف أمر المقدر في أقبالي
ياالله ترحمني وتطلق نظيري

في جنة الفردوس واسع مجالي
بين الشجر والماي فوق الحريري

في روضة الفردوس عين الجمالي
بأنعام رب البيت يزهى سريري

ما شي باقي غير رب الجلالي
الواحد المعبود شانه كبيري

الموت كاس فيه علقم وحالي
ياعونة الله في النزوع الاخيري

الموت جاري ماترده أجبالي
ياتي بغته في هجومه خطيري

مامن مفر لاجاء حار السؤالي
الاجل مكتوب وين عنه تطيري

أشوف حالي في تصور خيالي
طاح الجسد وطحت طيحة بعيري

ياالله تثبتني وتحسن مقالي
يوم السؤال ويوم ينطق ضميري

يارب أختم بالشهاده أعمالي
ثم الصلاه على البشير النذيري

الشاعر: سعود بن احمد العواد

أسأل الله لك الشفاء وطولت العمر يارب
يالله حسن الخاتمه
أسأل الله لك ولنا ولجميع المسلمين الجنه

اللهم آمين
جزاك الله خير

يارب صبرني

يارب صبرني بلطفك عزايه
وافرج لعبدك يوم حاله شكالك

يشكي المصايب والوجع هو بلايه
القلب والعينين والحيل هالك

يامنزل القرآن نور وهدايه
ترحم من صلى ووحد جلالك

يالله دخيلك ياولي يارجايه
تحل قيد اللي بنيه عنا لك

أنت الذي عندك آوامر دوايه
وأنت الذي للروح يارب مالك

يالله طلبتك مطلبي في النهايه
تقبل دعواتي وعزي جلالك

الشاعر/سعود بن احمد العواد

صح الله ألسانك
اللهم آمين

صح بدنك