ملتقى مدينة العيون

اليا مشا

البـارحه كني عـلى الوجـه مصفـوق = والا غـريــب الـدار ضيـّـع طـريــقـه
من يوم شفـت مجمع الحسن والذوق = بالســوق مـاشي والمـلابــس رقيــقـه
شـفتـه و تـل القلب واجتـث معـلـوق = جاني الرعاش وصار بالصدر ضيقه
حــاولت اكـلّم داعـج العين بـرفـوق = صـد وتـجاهـلني شـعــل بي حــريـقه
اليـا مشا كنـّه مـن النـاس مـلحـوق = طلـق المحـيــا نـور يـسطع بـــريــقـه
قـمـت اتـسمّع وارتجي حلو منطوق = يـمكــن اذوق بــنغـمة الصـوت ريـقه
روّح وخـلاّني مـع النـاس مطفــوق = خــلى الـمشــاعر والجــوارح عـويقه
صويـحبي وان كان ما راح للسوق = الـســوق مـن دونــه تــراني مـطيــقـه

شعر/ عبداللطيف سعد العلي الفضلي
الأربعاء 10/1/1435هـ