ملتقى مدينة العيون - قصـيده مضحكه عن حـال بعض البنات في هذه الايـــام "

http://rea77.com/vb/storeimg/_gif1324591363_202.gif

لقيت قصيده مضحكه عن حال بعض البنات في هذه الايام تفضلوا...............

http://rafat0004.net/vb/uploadcenter...1310861145.gif

البارحة جاني من الحب مرسال من عقب مابيني وبينه خصيمة

وانا ترى في الحب مانيب فعّال ولا بعد ولّع بقلبي هشيمه

ولا بعد غنّيت في ساعة وصال ولا بعد ذقت الفراق وجحيمه

ولا جرى دمعي على الخد همّال ولابعد جربت مرّ الهزيمة

حتى وردني تالي الليل جوال وانا على شاهي وبسكوت ديمة

الرقم بايخ لكن الصوت قتال كنه مثل صوت المذيعة حليمة

http://rafat0004.net/vb/uploadcenter...1310861144.gif

قالت مساء الخير يا طيّب الفال قلت ارحبي ترحيبة مستديمة

بالعود والصفرى ودلة وفنجال واجبك يا بنت الأصول الكريمة

ردت بضحكة ثم قالت وشالحال؟ قلت اشهد إن الحال عقبك سقيمة

قالت وهي تضحك بعد مثل الأطفال وانا بعد كني بدونك يتيمة

من يوم قالتها تزلزلت زلزال من فجعتي كني مسوي جريمة

قلت ارفعي صوتك ترى مابه ارسال كذاب لكنّ المصيبةعظيمة

http://rafat0004.net/vb/uploadcenter...1310861144.gif

قالت أقول اسمع ترى هرجنا طال ممكن تصاحبني تراني وسيمة

واسمي الحقيقي أول حروفه الدال لكن يسمّوني البنات الزعيمة

صحيح أحب الفخفخة واعشق المال لكن تراني طاهرة مستقيمة

ما عندي امغازل ولا لعب يهّال ما عندي إلا في الشرف والحشيمة

بس الصراحة قلبي لشوفتك مال واصبحت وحدك جالس في صميمه

فكّر بعقلك واترك القيل والقال واحذر تطيع اهل العقول العقيمة

http://rafat0004.net/vb/uploadcenter...1310861144.gif

وارسل علي الحين خمسمية ريال اشحن بها جوال أختي غنيمة

أو طقم غالي فيه خاتم وسلسال اروح به في عرس ولاّ عزيمة

قلت الحقيقة مانيب رجل أعمال ولاني بتاجر والموارد عديمة

أنا الصراحة شبه عطّال بطّال وعلاقتي بالفقر جدا حميمة

والراتب الله يرحم الحال ما زال محدود والمصروف ربي عليمه

والدين بالآلاف والبنك شغّال ياكل فلوسي بالربا والظليمة

http://rafat0004.net/vb/uploadcenter...1310861144.gif

والسوق طايح والغلا ضيّق البال والموت والله صايراكبر غنيمة

قالت تحمّل بس والحمل ينشال خلك شديد الباس صلب العزيمة

ياخي تصرّف جعلك اتصير نشّال اهم شي إن النوايا سليمة

لابد تفهمني على كل الأحوال ما دمت من أهل العقول الفهيمة

قلت إيه والله فاهم اللي على البال لكن ترى هذي علينا قديمة

يا بنت هذا صاير اليوم موال للي تبي تلعب على ابن اللئيمة

http://rafat0004.net/vb/uploadcenter...1310861144.gif

يا بنت ما تدرين كم فيه محتال يلعب على الحبلين وانتي غشيمة

يا بنت كم من جاهلة دمعها سال من عقب ما جات العواقب وخيمة

والبنت لا اقفى عرضها بيد الأنذال والله ما يبقى لها أي قيمة

قالت تبي ولاّ فخلّك على جال مهوب ناقصني نصايح حكيمة

عز الله إنك للأسف منت رجّال وانك قليل الذوق ما فيك شيمة

يا لعنبواللي ما يسطّرك بنعال حتى يعلمك الغزل يا بهيمة

تفو عليك وصكّت الخط في الحال مدري تفو هي مدح وإلاّ شتيمة

http://rafat0004.net/vb/uploadcenter...1310861144.gif

اتمنى انها نــــالت اعجــــاابكم :001:

http://rea77.com/vb/storeimg/_gif1324591364_907.gif http://www.rjeem.com/up/images/8oq3c1yxapddq0q173.gif