السلام عليكم ورحمة الله وبركــــــــاته

هذي قصيده رائعه وظريفه جداا وحبيت اجيبها لكم للوناسه ووسعو الصدر في كلماتها/

الله يهدي كل من أستخدم عمنا قوقل في عواطفه اللي ماتقدم ولا تأخر شي بحياتهم بس ماأبغى أكّثر

عليكم خشـــو على القصيــدة من ابوابها

رددت بلسان عمنا قوووووقل



ياعمي Google ودي ابحث عن انسان

غـــالي وله بالقــلب أكبـر مكانه

أبي تجــيــبــه لـي ولــو كــان مــاكـان

يعني تِـصــرَّف دوره بـأي خـانه

أدري مســـافـــر بــس أنـــا ودي الآن

أعرف حبيببي وين يقضي زمانه

يـــامـــا سألـتـك عـن أمــاكـن وبـلـدان

وجبت الإجابة بكل صدق وأمانة

وألحيــن !! يــوم اني سألتك عن فـلان

بـانت علومك ويـــن ذيك الذهـانه !

عجـــزت تلقى لي ولــو نــص برهان

والا دليــل يشير وجهـة مكـانه

شرهـــان ألقــى لي إجـابه وعنـــوان

ظنـيــت بيني وبين قـوقل ميـانه

خــلاص ياعــمي تـرى ذاك الانسـان

اللي خـذا بالقـلب قـدر ومكـانه

مــاقصَّــر الجــوال جــابه ولاهـــان

وعرفت منه كيـف حـاله وشانه


فحزنت لقوقـــــــل

مسكين اش ذنبه يتعبونه

فقلت نيابةً عنه



لا تحسبين بكفّي الإنس والجانّ

مدري عن فلان علّه مع فلانه

ولا تتعبيني بحبّك اللي لكي زان

شان التعب لي وشلي وشانه

ولّ يالحبيب إنزوى بقصى مكان

اللي أنا ما لي بولوجه حَصَانَه

يا ما بلشوني من صبايا وفتيان

وكلّن يضيّع ..هالحبيب وحنانه

لا تحسبيني ستيف ولا سُبرمان

إش ذنبي أسهر تتعبيني عشانه

اتمــــــنـــى تعجبــــــــكم