حسبي لله ونعم الوكيل في اعوان ابليس الله يكافينا شرهم ويفضحهم دنيا وآخرة .. يتفننون في كيفية الذهاب الى جهنم .. مبدعين

السلام عليكم ورحمة الله
وصلني هذا الموضوع وقلت خلي نعرف الجميع باخطاره

المعروف انه في صالات الافراح الكل ياخذوا في راحتهم في الصالة والبنات يدخلوا ويغيرو في ملابسهم او يساووا في روحهم في الصالات والحمامات ومش الصالات بس حتى في منازل صديقاتهم انا اللي نبي نقوله ليكم لازم تاخدوا حذركم واللي تبي تغير او تساوي نفسها اتدير هكي في حوشها بس لانه المكان الوحيد المضمون
هذه كميرا تباع في ليبيا على هيئة بريزة كهرباء "بلاك" يمكن تركيبها في اي مكان في الحمام او الصالة او مكان تغيير ملابس السيدات والكميرا تباع بسعر 280 دينار يعني كل من تسول له نفسه يعمل الفعل هذا ممكن يشريها وبعدين يسوي بيها اللي يبيه والبنت او الضحية تقعد في مشاكل ليها اول مليهاش آخر. هده الكاميرا اللي انا لقيتها بس نعرف انه مزال في وسائل هلبا غير شكل البريزا للتجسس فبالله عليكم ديروا بالكم
هذه صور الكاميرا

هذا تقرير علي الكاميرا والصور لها

كاميرا مراقبة على شكل بريزة كهرباء يمكن تركيبها في اي مكان في العمل في البيت في المحل معرفة من دخل غرفتك او مكتبك او من سرق شي منها مميزاتها :

1- لايمكن معرفتها

2- توجد بها ميموري كرت 4 جيجا مثل ميموري الهاتف النقال ( الظفر )

3- سهلة التركيب والاستعمال بوضعها مباشرة على الحائط

4- تشكيلها على الكمبيوتر لشحنها ورؤية كل ما تم تسجيله بسهولة ومرفق معها كيبل USB

5- مدة التسجيل ساعتين متتاليتين او التصوير عند وجود حركة امامها فتصور مدة اكبر

انظر للصور

السعر : 280دينار

الحل ان الوحدة تدورها واذا شافتها تشيلها وتكسرها وتبلغ عنها الادارة وتهددهم بنشر هذا بالصحف وتخرب بيتهم على البيوت اللي جنب بيتهم هههههههه