قالت احبك قلت قصـبٍ مـن ورى خشمـك =
=ماهو بطيبٍ منك لاقلتـي تحبينـي
لاني قدرت اصحـح الاخطـاء فـي وهمـك =
= والعب على غايتك واهيمـك فينـي
لاني قويت اصـد كـل اللـي رمـى سهمـك =
= الين ما احس باني فـوق رجلينـي
وقفـت والله وهبنـي وانكـسـر عضـمـك =
= عرفت واشلـون اردك لاميادينـي
وابكسـرك حتـى اطـوي فهلـوة عـزمـك=
= قالت اموتك قلت وشمعنى تموتيني
يعنـي تحبينـي ! ادري بـك يـاروح امـك =
= هي لعبتي لين جبتك وسط كفينـي
ماقلت لـك انـي راح اسقيـك مـن سمـك =
= قد السموم اللي بالجرعات تسقينـي
ماقلـت لـك انـي راح اسـري مـع دمـك =
=واعيش في داخلك وانتـي تصبينـي
قلت اللي في بالـي ختـى تعرفـي حجمـك=
=قلت احقر افعالك اللي اثرت فينـي
صحيح كـل شـي فيـك اغـراء لاجسمـك =
=لاكني خليت كل " شيي " لابعدينـي
ابـي ليـا صـرت انـا ويــاك اعـزمـك =
=حتى اغديك قبـل انتـي تعشينـي
سلمي كذا بس ابعرف عـن هـوى سلمـك =
= ابعرف اشلـون بالتدبيـر تنوينـي
قالـت نويتـك ولاكـن اختـري خصـمـك =
= حتى اشوف الطرق واطلق مجانيني
قلـت العبيهـا وابيهـا تكـون فـي علمـك =
= اني خذرتك قبل ما انتـي تودينـي
احـط عينـي بعينـك واقتـبـس رسـمـك =
= اشوف كل شي بعينك صار يعنينـي
قـالـت احـبـك وابتـحـداك واهـزمــك =
= بس المصيبه ليا من جيت ترجينـي
قلت يهبـى مـن ترجـى للعشـق بأسمـك =
= الظاهر انك انك عشقتي وماعرفتيني
كانـك قمـر لا تغـرك جمـهـرة نجـمـك =
= لمعت من دون مانـورك يضوينـي
قالت تحـدى بشـوف العشـق فـي حلمـك =
= ان كنـت قـد التحـدي لاتخلينـي
قلت التحـدي وصـل واعلنـت فـي رجمـك =
=لانك قديتي لبـى رابـع شياطينـي
صـار التحـدي وابذوقـك علـى طعـمـك=
= وانتي تحديتـي واتمنـى تذوقينـي
قلتـي تحبينـي قصـب ٍ مـن ورى خشمـك =
=وقصبٍ على راسك اعلنتي تحبينـي

هلا وغلا مفلح الي تعودنا من تحت انامله ارق واجمل الكلماااات هذا مفلح وهذا القلم الرائع المليء بالكلماات المعطررررره تبي الصراحه يامفلح وبدوووون مجامله قصيدتك حلوه لكن احس انها انزل قدر من الي قبل يعني احس ان هذي جات سريع سريع بس حلووه يعني والله يوفقك