قصة (هذا بلا ابوك يا عقاب) ؟؟؟؟
 

السلامك عليكم ورحمة الله وبركاته.

نقلا من بريد الكتروني ولا اعرف قائله الاصلي.
***********************

السلام عليكم
مساء الورد للجميع
حبّيت اني اشارك بهالقصه
الكل منا في مجتمعنا الخليجي بالذات يسمع كلمة
(هذا بلا ابوك يا عقاب)
لكن الكثير يجهل المعنى يقولها كذا (يعني على عماها)
المهم ما اطول عليكم :
هذا سلمكم الله اسمه نمر ابن عدوان واكيد الاغلبيه يعرفونه وبالذات اللي يقرأون عن التاريخ والسوالف المبطيه. نمر كان متزوج من بنت اسمها وضحا وكان يحبها حيييييييل وهي تبادله نفس الشيء.
وكانت عنده مثل امه ومثل خواته واكثر ..كانت تقعد الفجر وتزيّن له القهوه والريوق السنع وتغسل فرسه (جواده) يعني قليل انك تلقا وحده بمثل هذي المواصفات الايام هذي (كل وحده عند راسها خدامه).

المهم في يوم من الايام كان نمر توه جاي من غزوه او من مكان بعيد وجاي اخر الليل تقريبا ونام عند وضحا وقال لها الفرس ما ربطتها قالت له خلها بكره انشالله الحين انت اهم شيء ترتاح وتنام.

المهم في نص الليل لمن حسّت وضحا ان نمر نام راحت للفرس علشان تربطها ,, نمر سمع صوت الفرس وسمع عندها صوت وظن بأنه لص ( لأن فرس نمر كانت غاليه عنده حيل وقال فيها اكثر من 20 قصيده) المهم اخذ الشوزن وطلع برا وشاف عند الفرس جهامه ( يعني خيال انسان) وصوّب على الجهامه ولمن راح للفرس لقا وضحا ميته.

شالها بين احضانه وندم نددددددددددم وتمنا انه لم يرى هذا اليوم الاسوووووووووووود , بعدها قال قصيدته المشهوره التي تغنّا بها الفنان راشد الماجد واللي تتكوّن من 80 بيت شعر ويقول فيها :

البارحه يوم الخلايق نياما **** بيّحت من كثر البكا كل مكنون
ويروح فيها الى ان يصل احد البيوت اللي يقول فيه :
والله لولا هالبزور اليتاما****لا اخاف عليهم من السكه يضيعون
لقول كل البيض عقبه حراما****

وكان عنده عيال منها وتزوج بعدها وكان يقصد من هالبيت ان يضم عياله لأمرأه تصونهم وترعاهم ولولا ان عنده عيال منها والا كان حرّم النساء عليه الى يوم القيامه من بعد وضحا.

قصيده مؤثره حيل وحززززينه

المهم نمر عنده ولد اسمه عقاب وكان صغير عقاب وفي يوم من الايام راح عقاب لوالده نمر وقاله يبه : انا الحين لمن انام في حضن امي هذي (يقصد زوجة ابوه) ما يجيني هوى واذكر اني لمن كنت انام في حضن امي اللي ماتت ,, كان يجيني هوى من تحت. قال ابوه : هذا بلا ابوك يا عقاب

لأن وضحا كانت تتصف بالجمال ويعني كانت لمن تنام على جنبها كان فيه فتحه كبيره بين الارض وبين خصرها وكان الهوى يدخل من تحته.

وسلامتكم واسف على الاطاله

هلا وسهلا بعودتك الثمينه والتى تثلج الصدر وتنير الملتقى
فعلا يا اخى فيه بعض الاخوان لا يعرف عنها الا المثل بارك الله فيك على هذه المعلومه التى نورت لنا وزادتنا معرفه
شكرا لك ولاتقطعنا من مشاركاتك الجوهريه والمفيده
قصه جميله ومسليه الله الله يسعدك ياعاشق ا ل م ق د ا م

هلا بالغالي عاشق المقدام

بارك الله فيك على نقلك لهذا المثال المتداول بين الناس والأغلبية يجهل معنى هذا المثل وفيمن قيلت أنرتنا بموضوعك نسأل الله أن ينير بصرك وبصيرتك .

قصه رائعه عاشق المقدام

اختيار موفق من تراثنا الثري بهذه القصص الجميله

ننتظر منك المزيد

تقبل تحياتي