ملتقى مدينة العيون - حلا التبن ...

السلام عليكم ورحمة الله وبركاته
مالي لا في الطبخ ولا النفخ .. ولكن هذا الموضوع شدني وقلت أنقله لأعضاء ملتقانا
حلا التبن

المقادير ::

بسكوت ( اولكر او هلال )
علبة قشطه
فنجال شاهي سكر
نص فنجال زيت

حليب نستله
شعيريه باكستانيه
3 ملاعق حليب بودره 3 ملاعق شوكلاته بودره

الطريقه ...

1 /نخلط كل المقادير مع بعضها بدون ( الشعيريه و النستله والبسكوت) هذولي نخليهم على جنب ..

2 / ناخذ البسكوت ونقصه بالسكين بحيث انه يصير ثلاثة رباع حجمه الطبيعي زي الصوره..

http://sr8o3.group.googlepages.com/1tbn.jpg

3 / نغمس البسكوت بالخلطه اللي سويناها قبل

http://sr8o3.group.googlepages.com/2tbn.jpg

ونسويه ثلاث طبقات زي كذا

http://sr8o3.group.googlepages.com/3tbn.jpg
طيب بعد مانسوي الكميه اللي قصيناها من البسكوت وخلصنا نحطهم بالفريزر لمده ماتقل عن ساعه
عشان تجمد الشكولاته وتتماسك
..

4 / نكسر الشعيريه الباكستانيه كسر صغيره مرره ونحمسها ع النار لحد ماتتشقر..

5 / نطلع البسكوت من الفريزر ونغمسه بالنستله وبعدين يقلب بالشعيريه
http://sr8o3.group.googlepages.com/4tbn.jpg

نجي عاد لطريقة التقديم

نقصص من خيشة الرز او خيشة القهوه حبال زي اللي با لصوره لانه راح نستخدمهم بربط مربعات الحلا..
( ماننسى اذا قصيناهم نغسلهم )
http://sr8o3.group.googlepages.com/5tbn.jpg

http://sr8o3.group.googlepages.com/6tbn.jpg

ربطناهم وخلصنا نجيب صينية التقديم ونحط عليها ورق الحلى وندهنها بشوية نستله ونحط عليها سميد ..

http://sr8o3.group.googlepages.com/7tbn.jpg
نجـــــــــــي عاد للشكل النهائي

http://sr8o3.group.googlepages.com/8tbn.jpg

من اليوم ورايح اذا قال لك احد كل تبن لا تزعل اكل وانت ساكت