ملتقى مدينة العيون - يـــاصـاحبـــي....؟؟

قصيده اعجبتني وحبيت اكتبها لكم..

وهي للشاعر.. فهد المساعد..

أن شاء الله تعجبكم..

ياصاحبي جيتك أبشكي لك عن أحوالي ××× جيتك ومدامك رفيقي ليه أطولها

العلم ومافيه ياأول وآخر آمـــالي ××× عندي رساله ولاأدري كيف أوصلها

اللي سبتني وأنا من قبلها سالي ××× أبيك توقف معي وتروح تسألها

وش فيها تفتح علي أبواب عذالي ××× وتحمــل النفس حاجه ماتحملها

وش فيها رغم الوفا تتركني لحالي ××× وأنا لجفاها تركت الــدنيا بأكملها

وأن كان هذا زعل علمها يالغالي ××× ماكان قصــدي ورب البيت أزعلها

علمها واللي يخلي قلبك الخالي ××× عن ضيقتي وين وصلت من تجاهلها

علمها كم لي وأنا ماشلت جوالي ××× كله على شان ماأقـــلب رسايلها

علمها وشلون لامرت على بالي ××× أروح وأضم صورتــــها وأقبلها

وعلمها كيف أنشغل عن كثرة أشغالي ××× وأسرح وأغمـض عيوني وأتخيلها

علمها عني وعن همي وغربالي ××× علمها عن كل حاجــة في تجهلها

وإن شفتها دنقت تبكي على حالي ××× أنسى الكلام وتذكـــر كلمه وقلها

قل شاعرك : بيعتذر ويعاهدك تالي ××× أنه يرتب حساباتــــه من أولها

ويقول: حتى القصيد اللي على بالي ××× والله ماعاد أكتبه كانـــه يزعلها