ملتقى مدينة العيون - بلّغه أعذب سلامي .. ولو يحاول ما غلبني

ذابحه أدري غروري .. للأمانه هَمْ ذبحني
كلّ ما حاول يقرّب .. بي عناد ٍ ما سمح له

أدري إنه مات فيني .. هام فيني من عرفني
وأدري إني أكبحه شوقي إلا منّه جمح له

لا فتح له قلبي بابه .. شفت طيفه لا لمحني
أرجع أعتب ثم أزعل .. لنّ قلبي حنّ .. فتح له

ولا لمحته .. قفى ّ عنيّ .. أفرح إنه ما سمعني
قلت في نفسي يالبّى طيفٍ إحساسي ردح له

لو عطا القلب الأمان .. وسلّم .. وقلبه كسبني
عارفه إن كبريائي .. لو توسّل ما دمح له

خايف ٍ قلبي يطيح إب (شِرك) حبه وإيخذلني
يهدم اللي قد بناه .. إمن الأماني وما طمح له

إعتذر منّه يا قلبي .. أدري إنّه ما فهمني
قلّه إني إنقرصت .. وإشرح الموضوع .. رح له

قّله إن الجرح علّم .. من حبيب ٍ قد ظلمني
قّله إني إغتربت .. وللحزن لي كمّ رحله

بلّغه أعذب سلامي .. ولو يحاول ما غلبني
إعتذر يا قلب تكفى .. لنّ خوفي ما سمح له

ذابحه أدري غروري .. بس لكنه نفعني
كل من حاول يقرب .. سد دربي ما فسح له

م/ن