ملتقى مدينة العيون - أمشي على وضح النقا مشي سلطـان..

تتعب ويتعب من يجاريك طغيان
يا تابع الواثق وقصـــدك تزِلّـه..

دوِّر بمجهر,, سخِّر الأنس والجان
مالك سوى الخيبة وزورٍ تدِلّه ..

بي ضعف إنسانة,ولي عثرة إنسان
في كل أمر... إلا الدروب المخله..

دايم على قولي والأفعال ميزان
ترجح بكفه كل عثره ,وخِله..

أمشي على وضح النقا مشي سلطان
مثل الجبل مايخفضه دوس ظله..

وأخفض جناحي من محبة وإيمان
وإن مِسَّت العزة فلله.....ولله

عندي كرامة تهزم قلوب فرسان
هيهات تهزمني الدعاوي المضله..

بنت الرجال اللي لهم كلمه وشان
واللي لهم بالدين منهج ومِله

متميزين بعلم مع حلم وإحسان
رضيعهم تلقى به اللي تجله..

أفخر بهم ,وأمشي على نور الايمان
أترك حرام الدين وأعمل بحله..

لي عين فأقدامي ودربي بها بان
ولي عقل في عيني ولا أحدنٍ يضله..

ولي غايةٍ فوق المكايد والاضغان
منها يفت الغدر روحٍ تسله

واللي عجز لاياصل لشم الأغصان
قال الثمر حامض,,,ودمعه يهله..

قولي به الإنصاف والحق برهان
يجف به حلقٍ وحلقٍ يبله..

واللي يبي لي ذل خسران خسران
يرجع حسير الطرف خاسي بذله ..

http://www.al-wafiy.com/vb/images/icons/b34.gifلامست الابيات احساسي http://www.al-wafiy.com/vb/images/icons/b28.gif
فنقلت القصيده http://www.al-wafiy.com/vb/images/icons/b34.gif