طفل عيوني ضايع في العقير
 

امس بعد العشاء سمعنا صراخ وزعيق وتبين انه لحرمه فاقده طفل لها وتوجهنا لمكان الصوت طلعت من العيون وزوجها جنبها يهدي فيها وهو اصلا يبي من يهديه

ولدهم حمد كان معاهم وفي لمح البصر اختفى
دوروه مالقوه وتعرفون الضنى غالي وتقوم المره من غير شعور بالصراخ والبحث اللي مدري شكيف قايل تلف المكان الواحد عشرين مره المسكينه ماتدري وش تسوي

بس ياجماعه صار العقير كنه عايله وحده مابقى احد ماقام يدور
الحريم والرجاجيل والشباب والسيارات تلف وتدور واللي نزل البحر يدور واللي راح يبلغ الشرطه وخفر السواحل وماقصروا والبلديه شغلت الانوار والدنيا قامت ذيك الليله

الحريم تجمعوا عند ام الطفل يواسونها والرجاجيل مع ابوه
عندهم بناته الثلاث موجودات بس الولد هو اللي اختفى

والحمد لله بعد ساعه ونص لقوه شباب وجابوه لأهله اللي خذوه فرحانين واللي قاموا يشكرون الناس على وقفتهم معهم ومواساتهم وبحثهم عن الطفل وكنه طفلهم مع انهم مايعرفونهم وماهم من العيون

عندي صور ومقاطع بس لازم اترخص من أبو حمد قبل والله يخلي لهم حمد وخواته إن شاء الله

وياجماعه الله الله في عيالكم ترى مو انكم في مكان تتنزهون فيه تهدون عيالكم من غير متابعه ومن غير اشراف عائلي لازم واحد كبير يراقبهم كل مره يلعب معاهم ويتابعهم واذا تعب يروح ويحل محله واحد ثاني

انتوا رايحين تتسلون وتنبسطون اتخربون البسطه وتطيرونها بفقد طفل أو اصابته عشانكم ماكنتوا منتبهين له


والحمد لله على سلامة حمد يابوحمد

طفل ومافيه احد يباريه وينتبه له اكيد بيضيع والحمد لله ماحد خطفه
الحمد لله على سلامته وعودته لاهله

الحمد لله على السلامه

ولك الحمد والشكر يارب العالمين


الله يقوي قلب اميمتك وبيك ويحفظك بحفظه

وجميع أطفال المسلمين

فلذات اكبادكم امانه في اعناقكم $$

الحمد لله على سلامته
والاطفال مايصلح نتركهم خصوصا
في المتنزهات والشواطئ

الحمد لله الف شكر لك يارب
قرت عينكم بحمودي
ياناس انتبهو على عيالكم ترى مافيه اغلى من الظنا
كل لحظه راقبوهم مو كل ساعه كللللللل لحظه لا الدنيا مافيها امان
واشكر اهل العيون على وقفتهم معك يابو حمودي وغير العيون بعد الله يعطيهم العافيه
العيون معروفه بوقفاتها وتعاونهابين اهلها وافتخر اني عيوني