ملتقى مدينة العيون - تعالوا ابيكم كلكم علشآآآآن ..ولا اقول تعالوا وبس

السلام عليكم والرحمه ..

كتبت هالموضوع وراح اتكلم فيه بالعاميه واللغه العربيه ابخليها على جنب شويه ..
نقدر نقول جلسه فيها من الاريحيه والمصارحه والتوضيح لكم يااخواتي واخواني ..
بالنسبه للمسابقه : انا قلت من شروطها ..
ان الاطباق من عمل يدكم وع الصور الاسم ورابط الملتقى.. يعني الطبق من طبخ البيت مو تجيبوه من النت وتكتبوا عليه اسمكم لا حرام يضيع جهد الباقي وبعدين فيها امانه كيف وع اي اساس نختار الافضل .. وماهي صعبه نعرف من النت الاطباق المأخوذه من عالم قوقل .. بغيرها اللي من عمل البيت ..
اكيد تتسآئلون ليه اقول هالكلام .. الحين بتعرفون ليه ..
جاتني مشاركات وجات للاخت ليدي كذلك مشاركه لاحد المشاركين ناقل لي الاطباق من النت وكاتب عليها اسمه ورابط الملتقى .. طبعا عطيناه عذر انه يمكن ماتفهم الشروط ..
ولذلك حبيت اوضح لكم هالنقطه .. الى هنا فاهمين .. مااسمع كن فيه صوت هناك .. طيب الحمدلله الى هنا مآآآشي ..
يعني اروح للنقطه الثانيه اللي هي ياحبايبي الاطباق مو شرط تكون بسفره وحده لا .. يعني بامكانك اليوم تخلي الوالده او زوجتك او اختك ربي يحفظهن يعملون طبق وبكره كذا وبكره كذا وهكذا خلصت الحدوته ..:sm286: لا تبقى عندي الكثير لاتروحون بعيد
يعني ع اقل من مهلكم ولاتتعبون اهاليكم هي مجرد اطباق ولا اسهل منها يعني تصوروا المقادير والخطوات وطريقة العمل وتكتبوها كمان .. كيف تكتبوها يعني مثلا صورة المقادير .. تكتبوا تحتها .. نصف اوربع ملعقه فلفل .و1 فليفله خضراء ووو يعني كل اللي موجود بالصوره .. وبعدها طريقة العمل خطوه خطوه يعني مثلا : صور للبصل وهو يتحمر تكتبوا تحته نضع البصل في القدر ونقلبه ونتركه الى ان يحمر كما في الصوره وهكذآآآ الى اخره .. خطوه بخطوه وكتابة .. وتراها سهله جربوها قبلكم وقالوا سهله ماهي صعبه صدقوني ...قواكم ربي ووفقكم .. وبعد ماترتبوا المشاركه وتنسقوها ترسلوها لي أو لليدي أو العاصفه .. اللي يعجبكم .. اتمنى الى هنا الامور سالكه .. والاسلاك ماتكون مشربكه ولامتشابكه .:sm242:
ومن ناحية العصيرات احد الاخوه سالني ليه نصور خطوات الفيمتو .. او التانج .. انا اقول الفيمتو والتانج هذول شراب مو عصائر والعصائر ياكثرها .. ومن هذي الصفحه اقول مو لازم الخطوات للعصائر خلاص صوروا لي العصير بشكله النهائي بس قولوا لي وشو هذا .. وكيف عملتوه لو كان فيه فنتكه وحركآآآت بركآآت ..
وسألني كمان واحد قال في سفره وحده نعرضها .. كمان لاآآ
وسؤال ثاني هل برساله وحده ترسلوا المشاركه .. اقول ايه .. افضل .. ع اساس اسهل لحفظ المشاركه من الضياع او اللخبطه من هنا وهنا .. وان شاء الله ماشي يضيع من عملكم يارب ..
وبالاخير وان شاء الله مااختم موضوعي الا بكل خير ..
اي استفسار وسؤال قلوبنا وصدورنا تتسع لها قبل صندوق رسايلنا .. وحياكم ربي وبياكم
وكثيير متشوقه اشوف اطباقكم وابداعاتكم وانا على ثقه اني بشوف اعمال ومشاركات طيبه ومرضيه .. ولنا الشرف بالاحتفاظ فيها .. بعد مانختار الفائزين ..

ومع السلامه وسامحوني طولت ..

بس هآآآه لو تذكرت حاجه ابجي واقولها هنا .. وراح اعرض تساؤلات البعض او نصائح للبعض كمان اذا كان فيه اخطاء للبعض راح انبههم بالرسايل وكمان راح انبه الجميع هنا ع اساس مايطيحون بنفس الخطأ .. وبس تعبت ..اتمنى فهمتوا اللي قلت مابي اتكلم واهذري بشي مامنه فود وصالح .. ربي يوفقكم ..