|
عمليه سرقه من احد المقاولين في العيون ( والشهود كثر )
السلام عليكم ورحمه الله وبركاته عمليه سرقه من احد المقاولين في العيون ( والشهود كثر ) نعم عمليه سرقه في العيون وفي وضح النهار والشهود كثر جداً .. والمقاول ماخذ راحته ... الكل يعلم عن الحفريات القادمه من السلطانيه التي قطعت الدوار مقابل تيوتا << حتى الطفل وهو نائم في السياره راح يصحى ويشوف الحفريات من المطامر وتخطر الارصفه ... نجي للمهم .. طبعا كلكم شاهدتم عيون القط الي تم تركيبها من هذا الدوار الى دوار البلديه وبعد يومين من تركيبها تم حفر الشارع وازاله عيون القط التي تدفع الحكومه مقابلها فلوس ماهي شويه للمقاول ... مع العلم انه قبل التركيب كان واضح ان الشارع راح يحفر وانا كنت اتمشى يوم يركبونها واشوف عمليه النصب الواضحه كيف تركب شي في مكان يتم الحفر فيه ؟؟؟؟ من المسؤل الي اعطى هذا المقاول عقد تركيب عيون القط مع علمه ان الشارع سوف يحفر ؟؟؟؟؟؟ وانا اجزم ان قيمه العقد لاتقل عن 500 الف ريال ركز على كلمه لاتقل والله اعلم .... كثير من عمليات النصب مثل هاذي تحدث ولا يلاحظها احد مثل زفلته الشارع زفلته جديده ثم تائتي الحفريات من جديد وبعدها يتولى نفس المقاول الزفلته اي انه ربح عقدين في شارع واحد الان بعد الانتهاء من الاعمال في الشارع راح يزفلت ويتم تركيب عيون قط من جديد ومن الكسبان عفوا الحرامي ؟ طبعاً المقاول << في الحقيقه لا اعلم اين وصلت الحفريات الان لاني خارج العيون وايضاً مثال على هذا السرقات ...حدثت في شارع الظهران بالمبرز الجديد من وكاله نيسان الى مطعم العبيد تقريبا .لما كان الشارع يحفر ويتم تسويه الرصيف بالارض... كان هناك مقاول يزرع الشجر في الشارع وخلفه البلدوزر يحفر !!!!! بالله عليك شارع فيه حفريات راح تشيله كله جاي تزرع شجر ليه !!!!! بعيوني شفت ها النصب وتم ازاله الشجر الي توه مزروع والي دفعت فيه الحكومه مبالغ طائله للمقاول ... ومن المستفيد عفواً من الحرامي ؟؟؟؟؟؟ المقاول طبعا وبكل جداره من سلمه العقد وتعاون معه ... ولا وش رايكم .... ومن فيكم انتبه لهاذي النصبات ؟ |
حسسسسسبي الله عليييييييه
اتمنى من المسسسسسسؤؤلين التنبيه لهاذا الامر |
والله ان الكل يعرف ان المجاري بتشق الشارع بعد التركيب
والمسؤل يدري عن الوضع ولكن لازم تكون العوائد مرتين كثيره من الشوارع مافيه احسن منها في الزفلته تنشال وتنحط زفلته جديده شهر وتنعدم ومن ثم يعاد تصليحها رسلان هذا الامر حصل في الاعيان والله يستر من الخافي واللي مانشوفه |
اقتباس:
المصيبه عندما يكون المسؤلين متعاونين معه .... مشكور على الاضافه يا الجزراوي ولاعدمنا تواجدك |
اقتباس:
نعم هم يبوون العوائد مرتين وثلاث واربع وخمس وهذا طمع منهم ... وكادت مثل هاذي النصبه راح تصير على الشارع المقابل لبيتنا لاكن الحمد لله بصدفه سياره الزفلته صدمت زاويه البيت واشتكينا عليهم وقفلنا الشارع ومنعناهم من الزفلته وبعد كم يوم جات حفريات الماء وحفرو الشارع وبعدهم جات الاتصالات يسون صيانه والكهرب ايضاً جو يعملون صيانه <<< تخيل الشارع كيف كان راح يتقطع .. المهم الشارع الى الان لم يزفلت والحمد لله ويقولون راح يبلطونه ويسونه مواقف سيارات الحمد لله على كل حال ...... هذا احد المواقف الي عشتها ..... وبنسبه لشارع فمساحته ماهي بسيطه من بدايه دوار سعد الوحيمد الى محطه الشدي على خط الظهران ... والكل مستغرب ليه وقفت الزفلته فيه لاكن الان سدحت لكم السبب ..... بحر الاخوه الله لايحرمنا من تواجد وبصمتك الرائعه |
ان لله وان اليه راجعون
والله صدقت ياخوي حتى انا ملاحظ هذا الشي>> وقلت في نفسي الهحين هم اغباء ولا شسالفه .؟؟؟؟ يعطيك العافيه اخوي ع قلبك الحريص ماقصرت |
حسبي الله ونعم الوكيل
|
اشكرك اخوي رسلان على هذا المعلومة الي العين تشوفة في كل مكان زفلتة جديدة وبعدين حفرها وتخريبها بالة عليك احد يمر على طريق المستشفى العيون والصراة الجديدة دمااااااااااااااااااااااار في دماررررررررررررر ماشاء الله عليك حتى وانت خارج العيون تعطينا مواضيع مفيدة والله يعطيك العافية وحسبي الله عليهم من مقاولين |
حسبي الله ونعم الوكيل مشكووووووووووور أخوي على الموضوع تحياتي لك يااا رسلآن |
صادق اخوي رسلان
والان شوف العمال تشتغل في دوار البلدية وتركيب احجار للرصيف مع العلم ان حفر المجاري شكله متجه نحوهم هذا اذا ما دمر الرصيف المخصص للمشاة مع العلم ايضا ان الشركة التي تقوم بالحفر والردم شركة سيئة جدا وتشوف اعمال الحفر والردم ليس فيها احترف (مثل بعض الشركات التي تحفر في الهفوف) وانما مجرد حفر للشارع من اجل انبوب عرضه يمكن 50سم او حتى اكثر ومع ذلك يحفر نصف الشارع وفي النهاية تشوف لهم اسبوع على ما يردمون وكم شهر على ما يتم وضع القار واذا تم وضع القار يكون غير متساوي سبق ان قلت ان اكبر فساد هو في البلدية وندعوا الله ان يهديهم لابد من وضع طريقة لتقديم الشكاوي على المقاول وعلى البلدية وعلى كل من يدمرويتلاعب بالاموال العامة والنصب على طريقة مقاولي الباطن للتعريف بالطريقة: ان المقاول الرئيسي يفوز بالعقد ومن ثم ياخذ 60 - 80 % من العقد ويبحث له عن مقاول اخر (وفي العادة يكون اجنبي) ويعطيه 20-40 من متبقي العقد لكي يقوم هو بالمهمة وفي بعض الاحيان تكون مقاول رئيسي وتحته مقاول بالباطن وتحته مقاول بالباطن وتحت مقاول بالباطن وفي النهاية المقاول الاخير يقوم باعمال رديئة جدا جدا والمستفيد هو المقاول الرئيسي الذي اكل الكعكة مثل هذا http://www.alriyadh.com/2009/05/17/img/150825.jpg يعطيك العافية اخوي رسلان |
| الساعة الآن 08:26 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون