صار الصديق في هالزمن ماعاد يوفي لخويه=يعتبر الصداقه عنده مجرد سلام وكيف الحال
صار طماع لذاته وجامح مثل الرياح العتيه=وصار صديقه المخلص مجرد اسم مخزن بالجوال
يسعى بس لغاياته ويسعى لمصالحه الشخصيه=ولايفكر أبد إنه يطمئن عليه حتى بالسؤال
يآخذ كل مايبيه منه ولايفكر إنه ايرد العطيه=دام نفسه طماعه للأسف بس لحب المال
فيه من طبع السذاجه ومن الحقاره شويه=وفيه من شيم الحقد والكره والحسد والإذلال
يظن إني بدونه ضايع ومجهول الهويه=مايدري إني قاطع عليه حبل الوصال
عمره مافكر فيني لاصبح ولاحتى عشيه=كل همه إرضاء غاياته بالحرام والحلال
ليته عرف وش هي الصداقه المترابطه القويه=وليته سأل علي مره لو حتى باتصال
غروه أصحابه الكثيرين اللي مثل الخليه=بأفعال ماهي زينه ياشينها من افعال
ليته يعرف باللي يسويه هذا كله خطيه=وليت بس أهله ماكرموه يوم بالدلال
ياما نصحته وياماحذرته لكن انقلب عليّه=صارت النصيحه عنده للأسف شيء محال
تركته في حاله وحيد ولابادلته التحيه=ماأبي أنا بسببه يكثر عي القيل والقال