ملتقى مدينة العيون - معقول ذا الشي ياناس معقول

معقول ذا الشيء ياناس قد صار

معقول هذا اللي نشوفه يصيري

معقول لا لا ما تخيل ها الأفكار

إنا نشوف البنت تلبس قصيري

تلبس بناطيل وتنانير قصار

وبلايز ما تستر إلا اليسير

والصدر مكشوف على كل الأنظار

والبطن يظهر سرها المستدير

ياللأسف صار التعري له أنصار

والستر مستنكر ولا له نصيري

قل الحيا والدين وخوف من النار

والخوف من رب سميع بصيري

معقول هذا الشي ياناس قد صار

معقول هذا اللي نشوفه يصيري

الرجل مستور وهي سترها طار

مع التحرر والتمدن يطيري

تمشي مع الموضة ولا همها إنكار

من ينكر المنكر وعنده ضميري

تشري ملابسها وتلبس وتختار

اللي تبي وتقول أنا مثل غيري

تدفع على أشرى الماركات أغلى الأسعار

ولا عليها من صغير وكبيري

تقول خلونا على كيفنا أحرار

كلن على كيفه وفكره يسيري

والأم تدري مالها رأي بالدار

لا تستشار ولا على أحد تشيري

والرجل مسكين يدبر ويندار

ماعنده أمر وما بغنه يصيري

سواقهن يضرب بهن كم مشوار

للسوق والمشغل ويما الكوفيري

هذا زمان فيه الأخلاق تنهار

بسم التطور إنهيار خطير

ربتهم mbcعلى الفحش والعار

واللي بروتانا سقيط ودشيري

و ‏lbcنشر الرذيلة لها أشعار

أم التعري شرها مستطيري

وartفيها بلاء كل الأعمار

مزابل فيها فساد كثيري

أخص في هذا ولا أعم الأخيار

اللي بهم في كل الأوقات خيري

هدى الله وستر كل من عدلت عن الطريق الصحيح_ ووفق كل مسلمة إلى الخير الذي ينير حياتها,,,,,,,

سمعتها عبر الجوال فاستوقفتني كثيرا فنقلت لكم كلماتها لعلها أن تعجبكم_