|
يوم رحت الديرة لحاليه
أذكر نوبه كنت في الديره لحاليه مامعايه أحد في ذاك الوقت كنت توني في أول متوسط كان معايه السيكل ماليه الصتي ومدري منين طلع علي ذاك الجلب الهايج اللي قعد يدبك ورايه وأنا أدبك وهو بعد لين وصلت بيت جديه وأشوه إنه كان مشرع وطبيت في الدهريز وأقحم الباب خفت الجلب يدش ورايه شوي الا انا اسمع ولد عميه يزهم عليه جان اقول له انت خبل الجلب برع تبيني افج الباب قال ليه افتح لاتصير خواف عاد هذا جلبيه انا مربيه شفتك مع سيكلك حديته عليك عاد ولد عميه قام يضحك طنقرت انا واشب عليه وأقول هالحين أنت صرت تهايت مع ذولا وتدوج الشوارع ليل مع نهار ما جنه عندك والي واخر المتمه تربي لك جلاب يالسلوقي يالسمرمدي عاد انا مارجعت بيتنا الا مع جديه يوم جى من النخل جديه شافنيه اتلفت يمين ويسار قال لي شفيك تتلفت من مساعة قلت ولد عميه عنده جلب وحده عليه العصر قال لي انزين اراويه شغله السربوت عاد أنا وصلت بيتنا من ذاك اليوم صرت ماأطب الديرة إلا ومعاي أبويه وإلا عماميه |
هالحين انت شحقه تروح تهيت في السكيك
زين ما صادك الشلب وقطم يدك ولا وزك في العاير خلاك تصيح لين تتبقق عيونك من الصياح الله فسماه شكلك فقعت الباب ورحت لبدت تحت امك اعرفك زروبي واحسن عشان نوبه ثانيه ما تطلع وتسرسر في العواير بروحك |
عاد شتقول والف على بيت جديه وجدتيه
وإلا تبينيه قاعد في البيت مجابل الدفاتر والكتب مع وجهك لبديدا ازرق لي يومين وإلا ثلاثه الديرة بعد مب اليوم كله عصرية بس |
وووول ياخويه يابوطلال
شان نتفك الجلب نتفه نتفه... |
شقاعدة تقولين انتي بعد
أقول لج جلب هذا كبره أحد قالج إنه عصفور أنا من شفته إلا وأنا مخابط بالأرض ركض ماتشوفين إلا الاغبرة ورايه |
انا واونا وش قلت والله ( يعني والله بعصبيه )
يعني زين هجيت |
تبين الصج
كنت بنسدح جنيه ميت بس تذكرت ان ذيك قصه الدب مش الجلب |
هاهاهاهاهاها
لو انك منسدح شان نادى ربعه الجلب وقرموك تقرم.... |
مايخالف يالزروب طلعت شلاخ لاتجلس تملخ علينا تقص عليهم امانا ماتقص عليه اعرفك انا اخويه الشلب صغير وماله ذروس بعد بس انت خواف تخاف حتى من الذبانه |
الحين انا قلت اني بطل بوعضلات
انا ماقلت اني شفته فركت لبيت جديه مدري منين تسمع الحجي |
| الساعة الآن 09:57 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون