|
الامل والياس
اقول/
يامل قلب(ن) عذبه طول الافراق من عام الاول والدواكيك تاطيه بين الامل والياس روحه فالاشناق كنه على حبل القصاص عالق(ن) فيه من صاحب(ن) بيني وبينه ميثاق ابكي بدمع العين لحل طاريه صد وتلاعب بي على غير مالاق ونا الذي حطيت كل الرجا فيه من صدته كن الهموم تطرق اطراق لها حول السنه ونا احن وابيه تناشبني ضيقات والدمع دفاق وليلي طويل(ن) يتعب(ن) من يخاويه الشوق من بعد الغضي مين انا اشتاق دامه غلاي وروحي معلقه فيه عليك الله ياصاحب فيني تفاق قتيل حبك اليوم حلت مراكيه اسمع ولو ان قلوب الهوى ارقاق مصير طول صدك يكشف خوافيه باكر تدور ابك الايام وتفاق ويعلمك الحب واشلون تبكيه باكر تجيني والهموم بك والاحراق تون وصوتك ماسمع من يلبيه باكر اشوف الآه تنشب فالاعناق تهدك والحسايف تزيد مصاليه روح وجعل طيفي ينشف الارماق ابك اذا لقيت من هو بيسقيه وجعل قلب(ن) مايحن بي اذا اشتاق يونس بكبده مثل سم الافاعيه هذا جزاك واللي لعب بالاشواق اطيه برجلي ومافكرت اني اباليه ياحمد شب النار واطفي الاحراق واحمس لنا مايقعد الراس بنيه ودقه بنجر(ن) ياعزيز كل الارفاق يرتاح بالي يوم اسمعه يناجيه وصبه واوزن حبة الهيل برفاق وهاته يقند جرحي العام ويبريه كيفه يجيب سعاده لي الى ضاق صدري ولا لقيت من هو يسليه ابنسى حب(ن) ساكن(ن) بين الاعماق الي على جاشي غدى اعظم بليه ياحمد شب النار واطفي الاحراق واحمس لنا مايقعد الراس بنيه وسلامتكم كلمات اخوكم/سلمان طراد السبيعي |
صح الله لسانكـ ولسان قايله
مشكور ع النقل |
اقتباس:
بن ٍ صفيره يصفر الروح والساق حمسة ثلاث تزين المخّ وتداويه .. ........ صح الله السانك ياسلمان اشهد انها جزله :) واسمح لي بالمداخله البسيطه .. |
اقتباس:
صدى المرقاب |
اقتباس:
صح ابدانك حبيبي ومشكور على المرور الاكثر من عطر ... والله لا يهينك حبيبي وفالك الجنه |
| الساعة الآن 02:12 PM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون