ملتقى مدينة العيون - انا مااخطيت في حقك

انا مااخطيت في حقك ولكـن الكـلام عتـاب

اعاتـب والعتـب كلمـة تفسرهـا معانيهـا

اعاتب واحسب بهرجي لامني حكيت حسـاب

وكلمه يستحـي منهـا لسانـي يبتـدى فيهـا

واذاانت من العتب تزعل علينا وابتصك الباب

ترى مانيب قاصدهـا ولانـي فيـك ناويهـا

ولاودى على الفرقا وقلبـي داخلـي مرتـاب

اشوف ان الهوى خدعة واشوف القلب راضيها

واشوف ان الهوى فرقا مواليف وعناد احباب

واشوف ان الجفا خطوة ولاني قادر اخطيهـا

وقلبي لو عشق يخلص ولوطالت عليه رقـاب

وتشهد له دروب الحب حاضرهـا وماضيهـا

عشقنا والهوى حسرة مشينا والامـل كـذاب

بدنيـا نابنـي منهـا قليـل مـن بلاويـهـا

عرفت الحب من عمرى صغير بالغرام وشاب

وقلبي للحبيـب اكبـر مـن الدنيـا ومافيهـا

صحيح اني نويت ابعد ولكن الهـوى غـلاب

وهي رحلة بديت بها ولا ادري كيف بنهيهـا

تحريتك شروق الشمس وشفتك للشروق غياب

ولا اظنك تبيع العشره اللـي كنـت شاريهـا

بقىلي بالهوى نظرة وتغريبة ودمـع اهـداب

وقصة بترك لسانـك علـى العـذال يرويهـا

وانا جي باقي حروفي والف للفـراق كتـاب

قصايـد تملـي اوراقـي ارددهـا واغنيهـا

واذا مرتني الذكرى وجرحي بالحشا ماطـاب

بتبعدنـي وتدنيـنـي وببعـدهـا وابدنيـهـا

وانا عيب علي اشكي من الدنيا بدون اسبـاب

مدامـي ماخذمنهـا يجينـي يـوم واعطيهـا

منقوووول.........