من اقوال الامير عبدالرحمن بن سعود رحمه الله
 

مدري الموضوع مكرر او لا بس عاجبني :)


اقوال الامير الراحل الله يرحمه ويسكنه فسيح جناته

ويطلع لنا خليفته يارب ..

...............



من أقوال رئيس نادي النصر السابق الأمير عبدالرحمن بن سعود رحمه الله:


1_
قال : أنا أكره اللون الازرق والأبيض لأنه يذكرني بدولة أسرائيل لعنها الله.


2_
قال : أتمنى من المسؤلين صناعة كأسين كأس للهلال وكأس لبقية الأندية.


3_
سألوه لماذا يقدمون إسم الهلال على النصر يقولون الهلال والنصر قال :

ياخوي المذيعين يقولون سيداتي سادتي فجرت العاده على أن السيدات قبل السادة.


4_
قالوا له أن الهلال فاز ببطولة الخطوط السعودية قال : عقبال النقل الجماعي .





5
كان في إحدى البرامج واتصل عليه شخص كويتي قال هل السعودية قادرة على إستضافة بطولة عالمية ؟ رد الأمير قال: عزيزي السعودية استضافت شعب كامل وليست عاجزة عن استضافة بطولة.


6
سألوه عن الجمهور الاتحادي قال : لو تجي الجوازات يبقى منهم اثنين


7سألوه عن أجمل أهداف سامي الجابر قال : هدفه في دعاية شماغ المراسيم.


8
سألوه عن أفضل فنانات الخليج قال : أحلام وجواد العلي


9
وهو في إحدى البرامج على الهواء إتصلت وحده قالت انت صاحب سمو ملكي المفروض ماتقعد في كراسي الاحتياط المفروض تجلس في المنصة الرئيسيه قال لها : يا أختي لو على المفروض كان المفروض انتي في المطبخ وش دخلك في الرياضة.


11_
يقولون أن الأمير نايف بن عبدالعزيز عرض عليه أمارة الخرج ورفض وقال : جماهير النصر اكثر من سكان الخرج.


12_
قال له أحد الصحفيين أن ماجد عبدالله يلبس سلسال ذهب فقال له : ياخوي البس رشرش والعب نص لعبه.


13_
سألوه عن أغرب موقف شاهده في الملاعب قال : الكلب اللي لحق ابراهيم الحلوه في الاردن في البطوله العربيه والكلب الثاني اللي في استاد جدة(يقصد خالد قهوجي يوم يمد لسانه في مباراة النصر والاهلي )


14_
سألوه هل أحد ابناءك يشجع الهلال ؟ قال : الحمد لله ماعندي بنات.


15_
في أحد المرات جاه مشجع نصراوي ومعه خويه هلالي قال النصراوي ياسمو الأمير هذا خويي رجال كفو وشهم وكريم لكن عيبه أنه هلالي قال الأمير : إنك لاتهدي من أحببت ولكن الله يهدي من يشاء.


16_
قال الأمير : الأمريكيون وصلوا القمر بسبب التحكيم.


17_
سألوه في إحدى البرامج المباشره لو استلمت رئاسة الهلال ماهو اول قرار تتخذه؟
قال : اقدم استقالتي وارجع للنصر.


18_
عندما سأل عن إحتراف سامي الجابر قال: الإنجليز دائما مايضحكون علينا بهزائمهم علينا ولاكن نحن بإرسالنا سامي الجابر لهم ضحكنا عليهم.
.......

هههههههه

الله يرحمه يارب

اي انقاد على الامير حط باعتبارك انه بقبره ربي يغفر له ويرحمه .

بدون اراء جارحه لو سمحتوا ..

تحياتي .

الان عرفت سبب كل الحاصل في منتديات النصر وفي روم البالتوك


والله اذا كان هذا صحيح والله والله عيب عيب




بصراحه استغرب من اي نصراوي التكلم في هاذي الحادثه !!!! الا تخجلون من فعله اميركم بعد هاذي الحادثه !!!!!!!

الم يرسل عبيدة كي يغتصبون قهوجي في الحمامات لاكن قهوجي نجا منهم وهرب من الشباك وسقط على الارض وتكسر وكاد ان يموت من السقطه ........... لاكن منصب صاحب سموكم يحميه من الملاحقه القانونيه واعتقد مايحتاج افصل في هذا

رجاء لكل نصراوي يخجل على نفسه من هذا الشي مو يتفاخر فيه


ليه الهلالي كافر ؟؟؟؟ على حسب الي اعرفه الاية نزلت في عم الرسول صلى الله عليه وسلم لما كان يبيه يسلم لاكن عمه رفض




انت حط في بالك دامك تنقل كلام مهزله مثل كذا راح يكون فيه انتقاد وخاصه سالفه قهوجي ...... والميت تذكر محاسنه .... مو العكس


صحيح انكم تحبون التصاريح الناريه لمجرد انها ناريه

هههههههههه

ااهلين بمنبع التعصب

انا لما حطيته للفكاهه وقصدي فيه ان لسانه ماشاء الله عليه الله يرحمه كان سليط

ماتجيه كلمه الا ورد عليها

سالفة قهوجي ماقهوجي انا ماشفتها

لكن ذكرنا موقفه يوم يمد لسانه ماقلنا اغتصاب

وبعدين يا اخوي رسلان لما تذكر عن هذا الشي تأكد اولا انك تخاطب ميت ثانيا أمير ..

اعتقد فيه احترام اكبر من كذا لابد يتوجه للميت للحي

ومثل ماقلت لك ذكرناها كمواقف لسرعة لسانه مو لقوة رده او كلماته

اعتقد يارسلان احيانا تقط كلام ثقيل اشوي

وبعدين كلمة مهزله كبيره اشوي اتمنى تحسين اللفظ يالاخو

فـ ياليت ماياخذك التعصب وتجرح بردك ولو كان مافيه تعصب

ياليت تحسب حساب الكلام وردك يكون على الكلام نفسه لو تبي تعلق

حياك الله .. ومشكور ع اللفظ

مانت تذكر سيئات ...

اذكر حسناته الا اذا قصدك التسليه نقله لقسم التسليه والضحك

الله يرحمه .. كانت افضلت تصاريحه بعد كل ماينهزم النصر وخاصه من الهلال

مخاوي

من زود التعصب عندك صرت تشوف كلامه من جهة وحده

ومثل ماقلت لك

الميت تذكر محاسنه والي فوق بصراحه مهزله واعيد واكرر حتى لو انه ميت لانك اعدت نشرها يعني انت الغلطان

معظم هذه الأقوال ملفقة وغير صحيح

فيه أقوال أقوى من هذه موثقة بالصوت والصورة ماذكرت في الموضوع
وفيه مقالات أعظم من هذه ماعرضت في الموضوع
وفيه مقابلات أوسع من هذه مانشرت في الموضوع

مشوار وتراث عبدالرحمن بن سعود واضح ومكشوف ومعروف
وأي زيادات فيه تبان وظاهرة للعيان

غريبة ليه ماجبت الحديث المزعوم عن نوال الزغبي

ضميان اسعدني حضورك


.........


رسلان

قسم بالله التعصب بجهه وانا بجهه

وكنت بحطه بالتسالي وحولته هنا

ههههههههه

انا غلطان على عيني وراسي

لكن كلمة مهزله احنا نترفع عنها يارسلان

والظاهر لسانك كذا :)

عموما مشكور ع الرد حياك الله ..

ابو طلال


لاشك باللي قلته

وعن نوال الزغبي موجود

وكان هنا بس تذكرت وحذفته :)

عبدالرحمن بن سعود اسطوره رياضيه ادبيه فكاهيه لن تتكرر . فقد اعتقدنابأن لن يأتي الينا زمن جحا ونوادره

وها أتانا عبدالرحمن بن سعود ورحل رحمة الله على جميع المسلمين . وهاهي نوادره وردوده ترتاد كل منتدى .

وهل يأتينا ياترى جحااخر . بعد جحا الاصلي والتقليدي ؟؟

.اتحفتنا بموضوعك الحلو والشيق اخوي مخاوي همه . وحرام تبخل علينا بها النوادر كثر منها . محتاجين مواضيع للرفاهيه وانا اخوك .

كنكورد ردك ماسك خطين

لكن برد عليك بنفس مراوغتك

...........


يكفي هالسطر تسلملي عليه ..



اعتقد جحا فكاهي على غباء .. عبدالرحمن بن سعود اذكا من هذا

والدليل وصفك له بالاسطوره :)




ربي يرحمه ويسكنه فسيح جناته وجميع المسلمين يارب العالمين

بلا شك فـ القمر يبقى قمر ..

ياكثر الجحاجيح ( اذا كان هذي جمعها ) فـ الدنيا امتلت من الجحاجيح والاغبياء :)



ابد والله ماحطيته الا لاشكالك الطيبين الي يحبون الفكاهه


اكيد اكيد ولو اخوي اشياء مثل هذي تحتاجونها انتوا ونحن لن نبخل ابدا :)

يسسلملي حضورك وطاري جحا :)