ملتقى مدينة العيون - الشباب وحركاتهم عند الإشارات

السلام عليكم اخباركم ياحلى اعضاء ... موضوعي اليوم هو الشباب وحركاتهم عند الاشارات

شوفو واضحكو

@النوع الاول:-
هو اللي يستغل وقته ويرتب سيارته ويفتح دروج السياره و يعفس في الفواتير ويرميها في الشارع وفجأه ماتدري الا وهو ناقز في المرتبه اللي ورى ولا تستغرب اذا شفته ناط في شنطة السياره ( الأخو مرتب ) وتنفتح الاشاره والاخ مشغول في التنظيف.

@النوع الثاني:-
وهو اللي توه يكتشف ان وجهه محتاج تنظيف وصنفره ويسحب المنديل وعلى خشمه واذا خلص طفى السياره عشان ينظف اذنه بالمفتاح وشوي ويقص اظافر يده وماتدري الا وهو رافع رجله يقصقصها هذا اذا كان معه مقص اظافر واذا مامعه فالحل موجود طبعا يقص اظافرة بواسطة اسنانه (قمة النظافة) !

@النوع الثالث:-
وهو اكثر واحد يفرح اذا وقف عند الاشاره عشان يستعرض ويرقص هو وربعه ويرقصون السياره معهم.

@النوع الرابع:-
وهو عكس اللي قبله وهو اللي يشغل شريط مزعل فرحان
(جاني خبر في غربتي قيل بركود) <<<--------- اغنيه لمزعل حزيييييينه
وانواع القلق والحزن والتفكير وطبعا الاغنيه من كثر ماهي حزينه وقديمه تشك انه مغنيها من زمان ويكون وجهه موّرم من الصياح وكثر الاحزان

@النوع الخامس:-
وهو مايسمع اغاني وما تسمع غير هواشه وتلعينه على عياله اللي مالين عليه السياره وماتدري الا وهو ساحب العقال ومخرب الشخصيه ويصفق عياله بكرتون المناديل اللي ماليه بالسياره والفضل يعود لمحطة البنزين لو تمر من عندهم عطوك كرتون مناديل هديه.

@النوع السادس
وهو اللي اذا شفته ترحمه وتقول ميت من الجوع وتشك انه جالس في مطعم مو في سياره الشاب ماسك الهمبرجر بيد والببسي والبطاطس بيد والشاورما في حضنه والفطاير جمبه والبيتزا في المرتبه اللي ورى .

@النوع السابع:-
وهو اللي تحس انه ماعنده وقت ابد ودايم انيق ولابس نظاره وخاتم ومبحلق في الجريده ومسوي زحمة في الشارع واللي جمبه طفشان ومشتغل مسجات بالجوال.

@النوع الثامن والاخير:-
وهو اللي سيارته زحمه مو ناس لا مخلي ثوب ولا شماغ ولا بدله ولا جزمه الله يكرمكم الا ومركبها معه عشان يكون تبديل الملابس اسرع عند الاشاره (استغلال لوقته الذهبي) حتى البطانيه جايبها وماخذها معاه تعرفون الشباب مشغووولين طول يومهم ..

والســــــمــــــوحه مــــن الشبـــــاب

ملطووووش