يابن مهنا وصلني علمك والوكاد انه ما هو صحيـح=علم ن هل الدمع من عينـي والقلـب بعدهـا نـاح
كيف ترمي رجال ن ماتقدم لضيـف الا المفاطيـح=والحـر يبقـى حـر لويصبـح مكسـور الجنـاح
وتراهم مايفصلون المشالح تراهم يلبسـون المشاليـح=وهم اهـل الطيـب والطيـب مـن فعايلهـم فـاح
تماسكهم تقول احجار كريمه فـي خيـوط المسابيـح=وويفزون فزة الخيـول اذا المنـادي بينهـم صـاح
هـم اهـل الكـرم والشجاعـه مابينهـم شحـيـح=واهم اهل السيوف الـي ماتدنـت واهـل الارمـاح
ديرت ابن المقرب الي ماترخص بالزله ولاتجريـح=واهل العيـون وقـت الجـد جـد مابينهـم مـزاح
ابنصحـك تشـد الجـام خيلـك قـبـل لاتطـيـح=شوف كم خيال يدعي الفورسيه وعلى وجـه طـاح
وقصيدتي كتبتها ماتحتاج صيانه ولا قطع من التشليح=مصدرها من وكالة افكاري ماطلبتها من وكالة الكفاح
رمعة رمعتي لك وانتظر رمعتـك مـع التوضيـح=وهـذا خـط دمعـي الـي علـى الـورق ســاح