|
نداء عاجل الى ذوي القلوب الرحيمه(سعود الحربي))
السلام عليكم ورحمه الله وبركاته اما بعد
الى جميع رؤوساء ومنظمين مانشستر يونايتد لفت انتباهي اليوم لسماعي اقامه المباره النهائيه للفريقين المتأهلين.. الشي اللي يزعجني ويزعج الاخ الشي اللي يزعجني ويزعج الاخرين كيف تقيم المباره النهائيه ووفاه فقيدنا الغالي ماخذه له خمس ايام . ياخي وش قوة ذالقلب اللي عليك يابوساره .. اقل شي اسبوعين انك تاجلها بس عشان نعيش فتره ترحم للفقيد والدعاء له .. يابوساره راجع نفسك وخل عنك قساوه القلب هاذي اللي معروفه عنك(( صدقني بيجي يوم راح تكون نفس حال سعود وعاد دور من يترحم عليك او يذكرك بالخير )) نهايه حديثي ان كان اقيمت المباراه النهائيه غدا فحسبي عليك يابوساره انت ومن عاونك في هاذي الدوره.. صدقني ان اقيمت غدا ماراح انساك في كل صلاه وركعه وسجده في ليل وفي نهار .... ((((الله يرحمك ويغفر لك ياصديق الروح ياسعود ويسكنك في فسيح جناته))) امين ساهر ثلاثٍ شارد الفكر متبول اشكي فراقه مالقيت ليلة وسيلة سعود ملكني ولاغير اقول اللة يعين اهل الهوى افكل ليلة اصبر على عسرات الايام معلول واشرب من كاس القهر لي قليلة قضيت ليلي نازف الدمع مكبول كني سجين ٍ فاقد ٍ لة دليلة مرحوم ياللي عالنعش رفق محمول قدام عيني العصر شفت حيلة حطوة في قبرٍ وانا عاجز وذهول ومنة ظل القلب اظلم ظليلة واجموع ربي رملهم صار مسبول من فوق قبرٍ ياعسى الخلد نيلة في موقفٍ نوح البشر فية مدلول كلن يزهب من دعائة لخليلة ياطول ليلي من فراقة وياطول وياشيب عيني شبت انا عاد في ليلة ياكيف ابصبر وانا لا جول ولا صول يعوفني صبري وانا لة فشيلة الصبر نفذ والرحيل سيفة مسلول يقطع اللي مالة عالحب حيلة مالوم عيني لاذرفت دمعها حول على حبيبٍ زاد فالقلب ويلة واللة لابكي لين دمعي يجول من فوق خدي لين يسقي رميلة واللة لابكي لين ليلي سدول يرسي في جاش ٍ عاف دنيا عليلة وصيتكم يما الرجا فيكم مامول سمعوا وصاتي ياهل الحق ليلة ان مت والا صرت عنكم عزول تكفون قبري عنة لايبعد ميلة اية حبة والفراق هولة هول والموت حق ٍ والجزيعة ذبيلة لاحول ولاقوة الابك ولا حول استغفرك من شر نفس ٍ دبيلة ياللة يامن بيدك الامر محلول ياواحد ٍ مالة في كونة بديلة ياحي ياقيوم قادر ومامول معبود دايم كلنا ننحنيلة تغفر لعبد ٍ حافظ الخمس مجمول وتظل قبرة من شموسك ظليلة محرر الموضوع/سلمان بن طراد السبيعي.... صدى المرقاب |
اخوي الغالي صدى المرقاب
الله يرحم اخونا سعود ابن يحى عز الله انها فاجعه على اهالي العيون وفاجعه قويه علي انا خاصه وابو ساره ماراح ينسى اللي سوى له سعود رحمة الله عليه في تكوين فريقه ... وان شاء الله بيقدر .. وان ماحصل مايستدعي انك تدعي على اخونا ابو ساره وبيني وبينك هو ليس بمجبور .. وان كان على الترحم عليه حنا بنترحم عليه سواء اقيمت المباراه ام لم تقــم .. الله يرحمك ياسعود |
السلام عليكم ورحمه الله وبركاته اما بعد
اخي العزيز والقدير اخبار العيون لا تلومني والله من حر مابي .. اخوي سعود كان صديق لي وزميل دراسه .. فعيب علي اشوف الاجحاد والنكران له واسكت واكتف اليد .. فالعذر والسموحه يالربع ان كاني تعديت حدودي |
صح لسانك أخوي صدى المرقاب وأنا واحد أشكرك على الموضوع وأأيد رأيك بأن تحل الرحمه بقلب بوساره لتأجيل المباراة تقديراً للفقيد ( سعود الحربي ) رحمه الله وأدخله فسيح جناته |
السلام عليكم ورحمه الله وبركاته اما بعد
اشكرك صقر العروبه اشكرك على مرورك الكريم .. وانا منتظر ذوي القلوب الرحيمه بالوقوف في صفي لصالح فقيدنا الغالي (سعود الحربي) |
من المحزن اخي صدى المرقاب ان اداره فريق مانشستر تنكر جهود اللاعب المرحوم سعود بن يحي الحربي .
وانا اايد صوت في صفك .. ولازم تاجل الدوره بسبب وفاه الفقيد سعود بن يحي ... واذا ماتم مثل ماقلت تحسب عليم وانا مثلك بعد |
كلام سليم يا سلماااااان
|
تم تأجيل الدورة الى الاثنين القادم
|
الله يرحمك يا سعوود
وتم التاجيل |
الله يرحمك يا سعوود
|
| الساعة الآن 06:56 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون