|
المحـــروم يضع النقط على الحروف .....!!
السلام عليكم ورحمة الله وبركاته
الى اعضاء ملتقى العيون و المشرفين والادارين .... !! ممكن اخذ من اوقاتكم عشر دقائق .... ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ الصراحه عندي موضوع ومدري كيف افاتحكم فيه .... لكن بدخل بالصلب الموضوع على طول .... <------ اكبر عيوبه ما يعرف المقدمات والتمهيد انا عندي كذا مشاريع تحمل باسم ملتقى العيون بالأصح كذا مواضيع لكن مو اي موضوع ...!! انا قمت بارسال الأفكار لدى الأخ العزيز / ابو طلال ... حفظه الله ... ومن ضمن هذه الأفكار هو .... اصدار ديوان لشعراء العيون المعروفين والبارزين في الساحه واتاحة الفرصه لشعاراء العيون في دخول ساحات الأبداعيه الشعريه ... يعني نعمل ديوان على خطوتين .... الخطوه الأولى للشعراء المعروفين لدى الجميع .... وهو اصدار ديوان مصغر يحمل تقريبا ً مابين 10 - 13 قصيده ( عزليه + اجتماعيه + وطنيه ... ) للشاعر له الخيار في اختيار القصائد ... وننشرها في مكتبات العيون وطبعاً جميع الحقوق محفوظه لدى ( www.aloyun.com ) وكل شهر ننشر ديوان لشاعر العيون ... وانا لا اخفيكم سرا ً بدأت مع الشاعر / مروان بن عبدالرحمن بن خليل القناص السبيعي .. وتم الموافقه والحمدلله وانا في هذه الفتره انجز الديوان المصغر لملتقى العيون ... هذه عينه من الديوان ... وعلى هذه العينه تحمل جميع قصائده لديوان المصغر وللملتقى العيون الحقوق في التصرف لهذا الديوان المصغر .... http://www.upload.4yas.net/userfiles...wat/taly12.jpg http://www.upload.4yas.net/userfiles...wat/ashg12.jpg وبعد الأنتهاء من جميع الشعراء الكبار والمعروفين في العيون .... تأتي الخطوه الثانيه وهي ... نفس الخطوه الأولى لكن لشعراء الموهبين والممارسين في القصيد والخواطر ..... والسؤال هو .... من لديه اقتراح افضل في هذه الخطوه ياليت يكتبها لي واخذ برأيه وله جزيل الشكر ..... وابشركم ان شاءالله قريبا ً جدا ً راح يكون الديوان الصوتي ( حنين العشق ) للشاعر / راشد بن عبدالرحمن بن خليل القناص السبيعي .. (( حصريا ً على ملتقى العيون )) وان شاءالله الأفكار القادمه اتمنى تكون افضل ... مع تحياتي واشواقي واحترماتي لكم بالتوفيق المحــــــــــــروم |
اخوي المحروم انت نشيط وانا سعيد فيك وجاني خبر عن هالمشروع بس الصراحة انت سريع وتحب السرعة في الانجاز |
هلااااا وغلااااا ابو طلال ...
اسعدني حضورك عزيزي .... انت الحين في زمن السرعه يالغالي ..... لازم ننجز المشاريع دام كل شي متوفر .... وان شاءالله اول ديوان اخلصه من التصميم والكتابه قريب جدا ًً يعني ما بقى الا الشي البسيط يالغالي .... ومن ثم اسلمه للمطبعه واذا صار في تأخير يمكن ايام معدوده فقط بس ان شاءالله قبل بداية الدراسه اخلصه ان شاءالله .... ونبي منك الهمه يالغالي في اللي جاي اكبر من هذا اخوي .... دمت لنا سالم يالغالي .... ياليت بس تذكر لنا المقدمه للديوان ... <----- ما يعرف سطرين على بعضها للمقدمه خايف يجيب العيد .... اذا ما عليك امر ممكن أكلفك بالمقدمه ... مع تحياتي واشواقي واحتراماتي ... المحــــــــــــروم |
يعطيك العافيه يالمحروم بس عندي نقطه صغييييييييره وهي...!!
ليش مايكون عنوان موقع العيون في كامل الصفحه ( طبعا يكون شفاف ) علشان اذا صار نسخ او تصوير مااحد يقدر يشيل عنوان الموقع... وهذا الامر راجع لك طبعا ... بالتوفيق ان شاء الله . |
شي حلو يالمحروم وانجاز ولا احلى
اخوك الليلي سابقا خمبط الدولي حاليا |
بو سلمان ... مع التحيه والتقدير يالغالي ..
شاكر لك تواجدك عزيزي بو سلمان .... الله يعطيك الف عافيه يالغالي ... الحقوق الأنسان ضايعه كيف حقوق الطبع ...... يالغالي اللي بينصب محد ماسكه خله ينصب بس ياليت يتذكر في لحظه هناك رب كريم يحاسب كل ظالم .... وان شاءالله اذا خلصتها راح اطبع عدد بسيط وارسلها لخونا العيون و لك وكل من يهمه الأمر ... وان شاءالله اقدر اقدم شي البسيط اللي يذكر بينكم ... مع تحياتي واشواقي واحتراماتي لسمو كم الكريم .. المحـــــــــــــــروم |
خمبط ... مع التحيه والتقدير ...
هلاااااااااااااا وغلاااااااااااااااااااااا بالغالي القاطع لا حس ولا خبر .... اخبارك يا عسل وش حالك وش حال من يعز عليك يالغالي ... والله زمان منقطع يالدب والله لك وحشى ..... على فكره خمبط انت من ضمن الأفكار القادمه بس دورك على الطريق وتعرف زين وش ابي منك يالغالي .... ياشباب ترى خمبط موهوب بمعنى الكلمه .... اذا ما عنده مانع نسوي معه مشاريع جديده ... الف شكر على الطله الحلوه ... وانا سعيد على تواجدك يالغالي ويالغلا انت .... مع تحياتي واشواقي واحتراماتي المحـــــــــــروم |
ماشاءالله ياالمحروم عيني عليك بارده وهذا عشمنا فيكم مااحد راح يرفع اسم الملتقى الأانتم وبأفكاركم ومواضيعكم الخطيره 000
|
ذكريات ... مع التحيه والتقدير يالغاليه ..
انا سعيد بتواجدك معنا في هذا القسم ... والف شكر على المتابعه وهذا ان دل على شي يدل على حسن الأهتمام .... الله يقدرني وارد الجميل بمثله او احسن ..... وكلنا يالغاليه متواجدين في الملتقى من اجل العيون الحبيبه التي تجمع الأخوه والأخوان من البعيد والقريب ... اتمنى الغربه تنتهي ان شاءالله على خير ... من طلاب العلم ومن الموظفين .... وبارك الله فيك وفي اصلك وفصلك عزيزتي ذكريات ... وانتي وربي قدمتي الكثير واتمنى ان قلمك لا يتوقف من العطا يالغاليه .. والأهم من هذا جميع المشاركات تجمعنا في اسم واحد وهو (( ملتقى العيون )) مع تحياتي واشواقي وتقديري لك ... المحـــــــــــروم |
اخي المحروم
اولاً احب اهنئك على هذا المشروع الرائع وهذه الفكرة التي قل مانجد مثلها في المنتديات الأخرى ةأتمنى من كل قلبي لك التوفيق والنجاح في هذا المشروع الرائد والله يوفقك يارب . ثانياً سوف نبذل كل مافي وسعنا من جهد للظهور بهذه الفكرة بأحسن صورها وهذه دعوة إلى جميع الأعضاء للتعاون مع بعضهم البعض وتقديم المساعدة إلى غالينا المحروم عسى ربي يوفقه وما ننحرم منه يارب . |
| الساعة الآن 04:48 PM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون