أنا بعمري ماجرحت إنسان
واحب كل الناس واغليها
قلبي كبير وصدري الميدان
صابر على الدنيا ومافيها
لاشفت دمعه في عيون إنسان
احاول اخفي العبره واداريها
ياريت لي قدره على النسيان
وانسى جروح القلب واشفيها
-----
لو ضاقت أسباب الحياة بدنيتي
لو ماتت كلمة حنان بشفتي
لو جفت بداخل عيني دمعتي
لو تاهت دروبي وانطفت شمعتي
لو صارت القسوة تداوي حيرتي
لو صار العذاب تذكار لغربتي
تبقى أنت رفيقي برحلتي
-----

تصدق
اشتقت لك
أنا أعترف
بعدك حياتي تختلف
تايه وحيد
أصيح باسمك وأرتجف
في كل شي أتخيلك
ومهما تغيب
عندي أمل
بكره تجي وبكل شوق
استقبلك
-----

غاب وتركني ما بقى غير ذكراه
مادري وش أخباره ولا وين أراضيه
مشتاق له
يا كثر شوقي للقياه
والشوق يحرق الي سكن فيه
أبيه لو بعد القمر بس أنا ألقاه
والله لو دربه من الشوك لأمشيه
-----

طال انتظاري والوله يحرق الجوف
والصبر مايطفي من البعد ناري
اكتم شعور الشوق واصارع الخوف
وفي داخلي نهر من الحب جاري
اضحك ولحن الحزن بالصدر معزوف
ودمعي حبسته لايبين انهياري
-----

الضحك ماهو علامة مستريح
والبكى احيان مايوحي بحزن
خذ مثل مني انا قلبي جريح
وابتسملك من غرابيل وشجن
وان بكيت يجوز ابكي من صحيح
من جرح, من ظلم , من صدمة زمن
او يجوز ابكي علشان استريح
او نتيجة شوق او حزن وندم
-----

هذي الرساله من حبيبك وغاليك
ياليت تقراها على قد مهلك
والله مافي بالبشر من يساويك
لابين خلانك.. ولابين اهلك
واقسم بمن صورك وحط الحلى فيك
عهد علي ما أنسى غرامك وفضلك
-----

بأرسل لك إحساسي
يمسيك بالخير
ويقول لك
مشتاق يا أغلى الحبايب
مساء الغلا والشوق والورد والطيب
وإحساس ما ينساك لو كنت غايب.
-----


أنتهينا مابقى شيٍ نقوله
لايضيع الوقت في كثر الكلام
كل منّا بان للثاني ميوله
الصراحه ما اعتقد فيها ملام
ساعة الفرقى على اللقيا عجوله
أنتهينا وانتهى ذاك الغرام
فرحتي من خلقت الدنيا خجوله
الامل فيها تلاشى في السلام
خلّ يبقى حبنا باجمل فصوله
الفراق المنتظر مسك الختام