الله مــن عـلـمٍ فى يـــوم الاثـنـيـن = عند الضحـى صـارت علينـا فجيعـه
العلـم ذاعــوا بــه كثـيـر المذيعـيـن = وسـائــل الإعـــلام قـامــت تـذيـعــه
شيخ الشيـوخ إمـام كـل المسلميـن = فـارق أهــل الدنـيـا ولامــن رجيـعـه
عـزي لقـلـبٍ فــارق الـيـوم غالـيـن = فـارق صعيـبٍ والمصاعـب تطيـعـه
تبكـي علـيـه قـلـوب نــاسٍ كثيـريـن = تبكـي علـى مـوتـه وتبـكـي صنيـعـه
تبكي المدارس ومن بدور المسنين = ويبكي المريض وكل عود ورضيعه
وأم اليتـامـى والثكـالـى المساكـيـن = وتبكـيـه طيـبـه والـحـرم والبـديـعـه
وتبكي عليك الأرض ياعزوة الديـن = ونـاح الوطـن بمصيبـةٍ لــه شنيـعـه
إيـديـه بيـضـا بالـعـطـا للمعـسـريـن = يبـذل وصــار الـجـود عـنـده طبيـعـه
يــوم الـكـويـت تـمــد بـالـيـد كـفـيـن = نشلتـهـا بـالـسـرع بيـمـنـاً سـريـعـه
ولبنـان تشـهـد لــك وكــل البـلاديـن = تـرفـع لـبـو فـيـصـل رايـــه رفـيـعـه
هـو خـادم البيتيـن وانشـد فلسطيـن = الـقـدس فيـهـا يبتـسـم مــن ربـيـعـه
حـاز الفعـول ودشـن القـول تدشيـن = يرقـى عسـيـرات الـوعـر ماتريـعـه
محـقـق التـوحـيـد ومـطـبـق الـديــن = عــادل بحـكـم الله وحـكـم الشريـعـه
والموت مايعرف شموخ السلاطين = لو هـاب شخـصٍ كـان هابـك تليعـه
الله يـرجّـح لــك جمـيـع الـمـوازيـن = وفـي عالـي الـفـردوس دارٍ رفيعة