][^.. من اختراعاتي ..^][
 

بسم الله الرحمن الرحيم


السلام عليكم ورحمة الله وبركاته


كيفكون شو عاملين ..


نعيد الطلهـ مع وجبهـ من مخيـ << يعافي لنا مخك ياشيخ

المشكله ماعندي صور اسوي واكل واخلص وبعدين اتحسف ماصورت هههههه

بس هي سهله ان شاء الله ومايبي لها صعوبه

مدري هي قديمه او فيه طبق كذا ما ادري والله

بس انا جيعان حدي وانا جاي من الهفوف طفشت من المطاعم

قلت افكر في طبخه وانا راجع والله وجات معي كذا من الجوع خخخخخخ
نبدأ

بسم الله

...........................


اولا .. دجاج مفروم او لحم ( بكيفك يعني )

نحمس البصل مع الدجاج المفروم اشوية صلصل مع بقدونس << كثرو البقدونس

8
8
خلصنا منه ضعوه على جنب :)

.......................

صينيه كبيره مستطيله نضع فيها البريد ( بريد وليس خبز )

نقطع حواف البريد ثم نصفه في الصينيه وان بقى فراغات اقطع لك كم بريده وعب المكان كله

8
8
خلصنا من هذا ضعوه على جنب :)

...............

اربع بيضات تخلط جيدا قليل من الملح ( قليل جدا لان عندنا دجاج فوق )

صينية تيفال كبيره ان وجد او مقلاه ان كان الحجم صغير نمسح عليها بالدهن اشوي

نضع عليه البيض ( بالعربي بيض مقلي )

بعد مانقلي البيض نضعه فوق صينية البريد الي سويناها قبل حيث انها تأخذ شكل الصينيه فوق البريد

..........

نرجع للدجاج المفروم

علبة زبادي ( رجها جيدا :) ) افتحها ضع ربع او نص العلبه في الدجاج

اخلط الدجاج مع الزبادي ومن ثم نضع الدجاج فوق البيض باكمل الصينيه

نأخذ جبن شيدر مربعات ( الي نسميه سليس )

نصف الجبن حيث نغطي الدجاج كله

ومن ثم نأخذ لنا بعد كم بريده ( بدون تقطيع الحواف ) ومن ثم نغطيه مره ثانيه

..............................


نأخذ لنا بيضه نخلطها جيدا ونضع قليل من الحليب ( حليب بوني او ابو قوس اي شي )

مع خليط البيض ومن ثم بالملعقه ندهن البريد الي حطيناه اخر شي بالخليط الي عملناه

ندهن الطبقه العليا كلها حيث تتماسك بالفرن

ومن ثم نأخذ الصينيه نحطها بالفرن نوقد الي فوق بس

خمس دقايق فقط وياليت ماتكون الصينيه قريبه من النار فوق يفضل ابعادها اشوي

خمس الى ست دقايق ( لاتحرقون الجزء الي فوق :(

نطلع الصينيه تقطع تضع في الصحون


وعوآآآآآآآآآآفي على قلوبكم يارب :)


تأليف الشيف موـوـت المشاعرـر :)

<< امحق شيف

يا صديقى كذا ما ينفع كلام بس


نجى عندك يوم ونحكم بنفسنا

ونقيم لك الدرجه وما فيك حيله

مشكور اخوي الشيف مووت المشاعر ..
الله يعطيك العافيه ..
بانتظار قادمك ..

تم يا متابع .. نروح له ..
بمناسبة عشاء العمل

هههههههههه
هلا اخوي النورس

اي ادخل هنا كل يوم واطبخ ترا مو كل يوم المدام

فرحها شوي انت بطبخه وانسبها لك عادي راضي هههههههه

حياك يالغالي ..

هلا متابع

اقضب ارضك ولا تجيني وش قالولك فاتح مطبخ انا

هههههههااااااي

يالله اكتب بورقه ورح طبق :)

يسلمو ع المرور

حياك الله اختي الفارسه

يسلمو ع الرد ..

اهلين خيتو احساس

عوآآآفي ان شاء اللله

بس اي وحده جربتي من الموضوع الاول لان فيه طبختين كانوا صح


وجربي هذي ان شاء الله تعجبك وابي الرد ضروري بدون مجامله :)

يسلمو ع الرد وع التطبيق :)

وان شاء الله بجيكم بطبق بعد كم يوم :)